شىعىس قازاقستان وبلىسىندا جۇك پويىزى 8 جىلقىنى قاعىپ كەتتى
5- جەلتوقساندا ساعات 07:17 دە شىعىس قازاقستان وبلىسىنىڭ «كورشۋنوۆا-چەرەمشانكا» ارالىعىندا جۇك پويىزىنىڭ ماشينيسى تەمىر جولدا جۇرگەن جىلقى ءۇيىرىن بايقاپ، سوقتىعىسۋدى بولدىرماۋعا تىرىسىپ، شۇعىل تەجەۋدى باسقان. الايدا اپاتتىڭ الدىن الۋ مۇمكىن بولمادى. سونىڭ سالدارىنان پويىز 8 جىلقىنى قاعىپ كەتتى.
پويىز وقيعاعا بايلانىستى 19 مينۋت كىدىردى. بۇل تۋرالى ق ر ءى ءى م كولىكتەگى پوليتسيا دەپارتامەنتى باستىعىنىڭ ءبىرىنشى ورىنباسارى ماديار ايتۋعانوۆ مالىمدەدى.
م. ايتۋعانوۆتىڭ ايتۋىنشا، وقيعا ورنىنا ريددەر ستانتسياسىنداعى جەلىلىك پوليتسيا بولىمشەسىنىڭ قىزمەتكەرلەرى بىردەن جەتتى. وتكىزىلگەن ءتيىستى ءىس-شارالاردىڭ ناتيجەسىندە ءۇي جانۋارلارىنىڭ يەسى، ش ق و گلۋبوكوە اۋدانىنىڭ 33 جاستاعى تۇرعىنى انىقتالدى.
