كەلەر جىلى الەۋمەتتىك سالاعا 8 تريلليون تەڭگە قارجى بولىنەدى
بۇل تۋرالى ق ر پرەمەر- ءمينيسترىنىڭ ورىنباسارى - قارجى ءمينيسترى ەرۇلان جاماۋبايەۆ ۇكىمەت وتىرىسىندا ايتتى، دەپ حابارلايدى قازاقپارات ءتىلشىسى.
«بيۋدجەت شىعىستارىنىڭ قۇرىلىمىن قارايتىن بولساق، ونىڭ نەگىزگى ۇلەسى الەۋمەتتىك سالاعا كەلەدى. 2023 -جىلى الەۋمەتتىك سالاعا 8 تريلليون تەڭگە كولەمىندە قاراجات جوسپارلاندى. شىعىستار زەينەتاقى مەن جاردەماقى تولەۋگە، ءبىلىم بەرۋ، دەنساۋلىق ساقتاۋ سالالارىن، مادەنيەت جانە سپورتتى دامىتۋعا، جاستاردى ىنتالاندىرۋعا باعىتتالاتىن بولادى»، - دەدى ەرۇلان جاماۋبايەۆ.
ءمينيستردىڭ ايتۋىنشا، ەكونوميكانىڭ ناقتى سەكتورىن دامىتۋدى قولداۋعا 2023 -جىلعا 2,1 تريلليون تەڭگە كوزدەلدى.
«اتالعان باعىتتىڭ باسىمدىقتارى - وڭدەۋ ونەركاسىبىن دامىتۋ، ايماقتاردا ينفراقۇرىلىمدىق جوبالاردى ىسكە اسىرۋدى جالعاستىرۋ؛ كاسىپكەرلىكتى، كىشى جانە ورتا بيزنەستى دامىتۋ جانە قولداۋ، كولىك جانە گاز تاسىمالداۋ جۇيەسىن دامىتۋ بولىپ وتىر»، - دەيدى قارجى ءمينيسترى.
2023 -جىلى رەسپۋبليكالىق بيۋدجەتتىڭ كىرىستەرى بۇعان دەيىن بولجانعان مولشەردەن كوپ بولۋى كەرەك.
«2023 -جىلى رەسپۋبليكالىق بيۋدجەتتىڭ كىرىستەرى بولجام بويىنشا اعىمداعى جىلدىڭ ناقتىلانعان جوسپارىنان % 36,4- عا وسۋمەن 13,9 تريلليون تەڭگەنى نەمەسە ءج ءى ءو - گە قاتىستى % 11,5 دەڭگەيىن قۇرايدى. جوسپارلى كەزەڭدە ولاردىڭ 2025 -جىلعا قاراي 16,2 تريلليون تەڭگەگە دەيىن نەمەسە % 17,2- عا ءوسۋى كۇتىلەدى»، - دەدى الىبەك قۋانتىروۆ.
ايتا كەتەيىك، ۇكىمەت وتىرىسىندا ق ر قارجى ءمينيسترى ەرۇلان جاماۋبايەۆ «2023-2025 -جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىن تانىستىردى. زاڭ جوباسى ەلىمىزدىڭ 2027 -جىلعا دەيىنگى الەۋمەتتىك- ەكونوميكالىق دامۋ بولجامى نەگىزىندە ازىرلەنگەن.
اۆتور
ايجان سەرىكجان قىزى
