قازاقستاندىق اسكەري تەڭىزشىلەر 8- ارميا حالىقارالىق ويىندارىنا قاتىسادى
سايىس ءۇشىنشى تامىزدا باستالادى. جارىس وتەتىن جەرگە تەڭىزشىلەر «سارىارقا» زىمىران- ارتيللەريالىق كورابلىمەن كەلەدى.
«ورال» كورابلى رەزەرۆتەگى كەمە رەتىندە بەلگىلەنىپ وتىر. اسكەري تەڭىزشىلەر جۇزبەلى مينانى، تەڭىز جانە اۋە نىسانالارىن ارتيللەريا وعىمەن اتىپ، جارىسادى.
ولار كەمەنىڭ تىرشىلىك ءۇشىن كۇرەسىن، قۇتقارۋ قۇرالدارىمەن جۇمىس ىستەۋ داعدىلارىن جانە تەڭىز ماشىعىن كورسەتەدى.
التى جارىستىڭ ءتارتىبى گيدرومەتەورولوگيالىق جاعدايلارعا بايلانىستى قۇرىلادى. قازىر قاتىسۋشىلار اۋە جانە سۋ ءۇستى نىسانالارىن يميتاتسيالايتىن نىسانالارعا وق اتىپ، تاجىريبە جيناۋدا.
جۇزۋشىلەر قاشىقتىققا ءجۇزۋدى ورىنداپ، قۇتقارۋ قۇرالدارىن پايدالانۋ تەحنيكاسىن پىسىقتايدى.
كەمەنىڭ مىقتىلىعىن سىناۋ ءۇشىن اپاتتىق جاعدايداعى نۇسقاسى ازىرلەنىپ جاتىر. ونىڭ قۇرامىندا بەس ادام بولادى.
ساباقتار باسسەيندە، پيرستەردە جانە تەڭىزدە وتەدى.
- اۆاريالىق قۇتقارۋ قۇرال-سايماندارىنىڭ كومەگىمەن كەمەنىڭ مىقتىلىعىن كورسەتۋ ءۇشىن كوماندا ءارتۇرلى كولەمدەگى تەسىكتەردى بىتەۋى ءتيىس. بۇل تاپسىرمانى اسكەري-تەڭىز بازاسىنىڭ وقۋ-جاتتىعۋ كەشەنىندە پىسىقتايمىز. سۋ جۇيەلى تۇردە ون سەكۋند سايىن تەسىكتەردەن جىبەرىلەدى. وعان كىرىسۋ كوماندا كاپيتانىنىڭ كەمە زاقىمداندى دەگەن بايانداماسىنان كەيىن جەتى مينۋت ىشىندە ورىندالۋى ءتيىس، - دەدى كوماندا كاپيتانى 3-سىنىپتى ستارشينا جامبىل بادبايەۆ.
وتكەن جىلى يراندا وتكەن كونكۋرستا تەڭىزشىلەرىمىز سايىستىڭ وسى كەزەڭىندە ءبىرىنشى ورىنعا يە بولدى.
جالپى حالىقارالىق ارميا ويىندارىندا قازاقستاندىقتار جەتى سايىسقا قاتىسادى.
رەسەيدە - «تانك بياتلونى» مەن «ەلبرۋس شەڭبەرى، ازەربايجاندا - «تەڭىز كۋبوگى»، ارمەنيادا - «بەيبىتشىلىك جاۋىنگەرى» وتەدى دەپ جوسپارلانۋدا.
قالعان ءۇش سايىس ەلىمىزدىڭ اسكەري پوليگوندارىندا وتەدى.
اتاپ ايتساق: گۆاردەيسكىدە - «ارتيللەريادان وق اتۋ شەبەرلەرى» مينااتقىش ەسەپتوپتارىنىڭ جارىسى، بۋراباي تاۋلى ايماعىنداعى اسكەري كوللەدجدىڭ بازاسىندا - «مەريديان» اسكەري- توپوگرافيالىق قىزمەت ماماندارىنىڭ جارىسى، سپاسسك پوليگونىندا - «تاكتيكالىق مەرگەن» اسكەري-سپورتتىق جارىستار كەشەنى وتەدى.
