اتشۋلى ۆيكتور حراپۋنوۆتىڭ 8 جەر ۋچاسكەسى تاركىلەنبەك

نۇر-سۇلتان. قازاقپارات - شىعىس قازاقستان وبلىسىندا ورنالاسقان ۆيكتور حراپۋنوۆتىڭ جەر ۋچاسكەسىن تاركىلەۋ ءۇشىن ءىس قوزعالدى.

بۇل تۋرالى ەكونوميكالىق رەسۋرستاردىڭ زاڭسىز شوعىرلانۋىنا قارسى ءىس-قيمىل ماسەلەلەرى جونىندەگى ۆەدومستۆوارالىق كوميسسيا ءمالىم ەتتى، دەپ حابارايدى قازاقپارات ءتىلشىسى.

كوميسسيا اقپاراتىنا سايكەس، بۇرىن زاڭعا قاراماستان تاركىلەنبەي قالعان ەل اۋماعىنداعى وبەكتىلەرگە ريەۆيزيا جالعاسۋدا. بۇگىنگى تاڭدا وسىنداي 36 وبەكت انىقتالعان.

سونىمەن قاتار شىعىس قازاقستان وبلىسىندا ورنالاسقان ۆيكتور حراپۋنوۆتىڭ 8 جەر ۋچاسكەسىن تاركىلەۋ ءۇشىن اتقارۋشىلىق ءىس قوزعالعان. بۇدان وزگە، كوميسسيا مونوپولياسىزداندىرۋ شەڭبەرىندە اتقارىلىپ جاتقان جۇمىستىردىڭ ناتيجەسىنە توقتالدى. وعان ساي قازىرگى تاڭدا «قازاقتەلەكوم» ا ق (%28,75)، «كولىكتىك سەرۆيس ورتالىعى» ا ق (%100)، «اكموليت» ج ش س (%100) سياقتى كومپانيالاردىڭ قاراجاتى مەن اكسيالارى مەملەكەتكە بەرىلگەن. بۇل اكتيۆتەردىڭ سوماسى شامامەن - 200 ميلليارد تەڭگە. بۇعان قوسا، تاياۋدا جامبىل وبلىسىندا 1,7 ميلليارد تەڭگەگە زاڭسىز جەكەشەلەندىرىلگەن 3 وبەكت سوت تارتىبىمەن مەملەكەتكە قايتارىلعان.