كۇزدە الەم حالقى 8 ميلليارد ادامعا جەتەدى
ال 2023 -جىلى ءۇندىستان الەمدەگى حالقى ەڭ كوپ ەلگە اينالادى. مۇنداي بولجام ب ۇ ۇ- نىڭ ەسەبىندە جاريالاندى، دەپ حابارلايدى Zakon.kz.
حالىق سانى 1950 -جىلداردان بەرى وتە باياۋ قارقىنمەن ءوسىپ كەلەدى. ب ۇ ۇ- نىڭ سوڭعى بولجامى بويىنشا، پلانەتا تۇرعىندارىنىڭ سانى شامامەن بۇلاي ءوسۋى مۇمكىن:
2030 -جىلى - 8,5 ميلليارد ادام؛
2050 -جىلى - 9,7 ميلليارد ادام؛
2080 -جىلى - 10,4 ميلليارد ادام.
شامامەن 20 جىل بويى بۇل كورسەتكىش وزگەرىسسىز قالادى.
بيىل ءبىز جەردىڭ سەگىز ميللياردىنشى تۇرعىنى دۇنيەگە كەلەدى دەپ وتىرمىز. بۇل ءومىر ءسۇرۋ ۇزاقتىعىن ۇزارتقان جانە انا مەن بالا ءولىمىن ايتارلىقتاي تومەندەتكەن دەنساۋلىق ساقتاۋ سالاسىنداعى جەتىستىكتەردى تاعى ءبىر اتاپ وتۋگە سەبەپ بولماق. سونىمەن بىرگە بۇل پلانەتاداعى جاعدايعا ورتاق جاۋاپكەرشىلىكتى ەسكە سالادى.
تۋۋ كورسەتكىشى تومەندەپ بارادى
World Population Prospects 2022 بايانداماسىنىڭ اۆتورلارى سوڭعى ونجىلدىقتاردا كوپتەگەن ەلدە تۋۋ كورسەتكىشى ايتارلىقتاي تومەندەگەنىن اتاپ ءوتتى. 2022-2050 -جىلدار ارالىعىندا دۇنيە جۇزىندەگى 61 ەلدىڭ حالقى تۋۋ دەڭگەيىنىڭ تۇراقتى تومەندىگى جانە كەيبىر جاعدايلاردا ەميگراتسيا دەڭگەيىنىڭ ارتۋى سالدارىنان كەم دەگەندە %1 عا ازايادى.
2050 -جىلعا قاراي الەم حالقىنىڭ بولجامدى ءوسىمىنىڭ جارتىسىنان كوبى مىنا سەگىز ەلگە تيەسىلى بولادى: كونگو دەموكراتيالىق رەسپۋبليكاسى، ەگيپەت، ەفيوپيا، ءۇندىستان، نيگەريا، پاكىستان، فيليپپين جانە تانزانيا.
ءومىر ءسۇرۋ ۇزاقتىعى ارتىپ كەلەدى
«65 جانە ودان جوعارى جاستاعى الەم حالقىنىڭ ۇلەسى 2022 -جىلى 10 پايىزدان 2050 -جىلى 16 پايىزعا دەيىن وسەدى» دەگەن بولجام بار.
2019 -جىلى الەمدە ءومىر ءسۇرۋ ۇزاقتىعى 72,8 جاسقا جەتتى، بۇل 1990 -جىلمەن سالىستىرعاندا 9 جىلعا جۋىق ارتىق. ءولىم-ءجىتىمنىڭ ودان ءارى تومەندەۋى 2050 -جىلعا قاراي ورتاشا جاھاندىق ءومىر ءسۇرۋ ۇزاقتىعىن شامامەن 77,2 جاسقا دەيىن جەتكىزەدى دەپ بولجانۋدا.
