اقمولا وبلىسىندا 8 جاسار قىز بالانى ءيت تالادى

كوكشەتاۋ. قازاقپارت - اقمولا وبلىسىندا ءيت تالاعان 8 جاسار قىز بالا ءتۇرلى دەنە جاراقاتىمەن اۋرۋحاناعا جۇگىندى، دەپ حابارلايدى قازاقپارات ءتىلشىسى.
None
None

وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، وقيعا 21- ءساۋىر كۇنى زەرەندى اۋدانىنىڭ شاعالالى اۋىلىندا بولعان.

پوليتسيا بولىمىنە 33 جاستاعى ايەل حابارلاسىپ، شىعىس ەۋروپالىق تۇقىمدى ءيتتىڭ يەسىنە شارا قولدانۋدى سۇراعان.

«ايەلدىڭ سوزىنشە، ساعات 19:30 شاماسىندا كورشىنىڭ ءيتى كوشەدە جۇرگەن 8 جاسار قىزىنا شابۋىلداعان. قىزدى ءيت اۋزىنان اجەسى امان الىپ قالادى. باسى مەن كەۋدە تۇسىنان جاراقاتتانعان بالا مەديتسينالىق مەكەمەگە جەتكىزىلىپ، دارىگەرلەر كومەك كورسەتكەن سوڭ ۇيىنە جىبەرىلدى»، - دەدى پوليتسيانىڭ باسپا ءسوز قىزمەتى.

يەسى ءيتتىڭ بايلاۋلى تۇرعانىن، الايدا وزدەرى جوقتا شىنجىردان بوساپ كەتكەنىن ايتقان.

«اۋىل تۇرعىنىنا قاتىستى پوليتسيا قىزمەتكەرلەرى 407-2-باپتىڭ 1-بولىگىنىڭ 4-تارماعى (ءۇي جانۋارلارىن ۇستاۋ جانە سەرۋەندەتۋ ەرەجەلەرىن بۇزۋ) بويىنشا اكىمشىلىك حاتتاما تولتىردى. ءيت يەسىنە 10 ايلىق ەسەپتىك كورسەتكىش مولشەرىندە ايىپپۇل سالۋ قاراستىرىلىپ وتىر»، - دەپ تولىقتىردى باسپا ءسوز قىزمەتىندەگىلەر.

بۇعان دەيىن حابارلاعانىمىزداي، اقمولا وبلىسىندا مەملەكەتتىك ورگان عيماراتىن ورتەمەك بولعاندار ىزدەستىرىلىپ جاتىر.


سوڭعى جاڭالىقتار