07:53, 09 - ناۋرىز 2022 | GMT +6
الماتىدا 8- ناۋرىز كۇنى قانشا بالا دۇنيەگە كەلدى
الماتى. قازاقپارات - الماتىدا 8- ناۋرىز - حالىقارالىق ايەلدەر كۇنى 77 ءسابي دۇنيەگە كەلدى، دەپ حابارلايدى قازاقپارات ءتىلشىسى.
الماتى قالالىق قوعامدىق دەنساۋلىق ساقتاۋ باسقارماسىنىڭ مالىمەتىنشە، 8- ناۋرىز كۇنى 00:00-16:00 ارالىعىندا مەگاپوليستەگى پەرزەنتحانالاردا جالپى سانى 77 بالا دۇنيە ەسىگىن اشقان.
ونىڭ 41 ءى ۇل، 36 سى قىز بالا.
ۆەدومستۆونىڭ اقپاراتىنا سايكەس، بارلىق جاڭا تۋعان نارەستە مەن ولاردىڭ انالارىنىڭ جاعدايى وتە جاقسى. 2021-جىلى الماتىدا 42 مىڭنان استام ءسابي دۇنيەگە كەلدى.
ەسكە سالايىق، تاۋەلسىزدىكتىڭ 30 جىلدىق مەرەيتويىندا دۇنيەگە كەلگەن سابيلەرگە مەملەكەت باسشىسى قاسىم-جومارت توقايەۆتىڭ اتىنان ارنايى سىيلىقتار تابىس ەتىلدى.
«ءسۇيىنشى» دەپ الاتىن قوراپقا سابيلەرگە قاجەتتى جورگەك، كيىم-كەشەكتەر مەن وزگە دە زاتتار سالىنعان.