14:36, 13 - اقپان 2022 | GMT +5
الماتى تۇرعىنىنىڭ قوراسىنان 8 مىلتىق تابىلدى
الماتى. قازاقپارات - الماتى پوليتسەيلەرى قالا تۇرعىننان سەگىز «سايگا» قارۋىن تاركىلەدى، دەپ حابارلايدى قازاقپارات ءتىلشىسى.
الماتى پوليتسەيلەرى ناۋرىزباي اۋدانى تۇرعىنىنىڭ قوراسىنان قارۋ-جاراق، وپتيكالىق كوزدەۋىش جانە اڭشىلىق قۇرالدار تاپتى.
«ارنايى ءىس-شارا كەزىندە 1984-جىلى تۋعان ك. ەسىمدى ازامات ۇستالدى، ونىڭ 5- قاڭتاردا «كامەراد» قارۋ-جاراق دۇكەنىن توناۋعا قاتىسقانى انىقتالدى. سونىمەن قاتار، كۇدىكتىنىڭ 12-كاليبرلى تەگىس ۇڭعىلى سەگىز مىلتىقتى ۇرلاعانى بەلگىلى بولدى. كۇدىكتى قارۋ-جاراقتى سارايدا جاسىرعان. بارلىق قارۋلار تاركىلەندى. ولارعا ساراپتاما تاعايىندالدى»، - دەدى الماتى قالالىق پوليتسيا دەپارتامەنتى باستىعىنىڭ ورىنباسارى بەرىك ابىلبەكوۆ.
«كامەراد» قارۋ-جاراق دۇكەنىنەن قارۋ- جاراق پەن وزگە دە مۇلىكتى ۇرلاۋ دەرەگى بويىنشا قىلمىستىق ءىستى اۋەزوۆ اۋداندىق پ ب جانىنداعى پوليتسيا ءبولىمى تەرگەپ جاتىر.
كۇدىكتى قاماۋعا الىندى.
