19:03, 15 - قاراشا 2021 | GMT +5
شىعىس قازاقستاندا قايتىس بولعان زەينەتكەردىڭ ءمايىتى پاتەردە 8 كۇن جاتقان
وسكەمەن. قازاقپارات - شىعىس قازاقستان وبلىسى گلۋبوكوە اۋدانىندا قايتىس بولعان زەينەتكەردىڭ ءمايىتى پاتەردە 8 كۇن جاتقان، دەپ حابارلايدى قازاقپارات ءتىلشىسى.
گلۋبوكوە اۋدانى وپىتنوە پولە اۋىلىنداعى كوپقاباتتى ءۇي تۇرعىندارى پوليتسياعا پودەز ىشىندە ءمايىتتىڭ ءيىسى شىعىپ تۇرعانىن حابارلاعان. بۇل ءيىس جالعىزباستى قارت اجە تۇراتىن پاتەردەن سەزىلگەن. وقيعا ورنىنا ءتارتىپ ساقشىلارى جەدەل جەتكەن.
«بەلگىلى بولعانداي، زەينەتكەر قايتىس بولىپ، ءمايىت پاتەردە 8 كۇن جاتىپ قالعان. جالعىزباستى اجەنىڭ ەشكىمى بولماعان. مارقۇمعا قارسى ەشقانداي قىلمىستىق ارەكەت جاسالماعان»، - دەپ حابارلادى ش ق و پوليتسيا دەپارتامەنتىنىڭ باسپا ءسوز قىزمەتىنەن.
جەرگىلىكتى تۇرعىنداردىڭ ايتۋىنشا، اكىمدىك دەزينفەكسيا شارالارىن جۇرگىزگەنىمەن پودەز ىشىنەن ءيىس ءالى كەتپەي تۇر.
اۆتور: تالعاتجان مۇحامەتبەك ۇلى
