قازاقستاننىڭ 8 وڭىرىندە ەسكەرتۋ جاريالاندى

نۇر-سۇلتان. قازاقپارات - اۋا رايىنىڭ بۇزىلۋىنا بايلانىستى قازاقستاننىڭ ءبىرقاتار وڭىرىندە ەسكەرتۋ جاريالاندى، دەپ حابارلايدى قازاقپارات «قازگيدرومەت» ر م ك باسپا ءسوز قىزمەتىنە سىلتەمە جاساپ.

1- قازان كۇندىز سولتۇستىك قازاقستان وبلىسىندا باتىستان، سولتۇستىك-باتىستان كۇشتى جەل سوعادى، ەكپىنى - 15-20 م/س. وبلىستىڭ وڭتۇستىك-شىعىسىندا جەل قارقىنى 23 م/س جەتەدى.

وسى كۇنى پەتروپاۆل قالاسىندا باتىستان جانە سولتۇستىك-باتىستان سوققان جەلدىڭ كۇشى 15-20 م/س شاماسىندا بولادى.

1- قازان تۇندە قاراعاندى وبلىسىنىڭ سولتۇستىگىندە جانە شىعىسىندا كوكتايعاق بولادى. تۇندە جانە تاڭەرتەڭ وبلىستىڭ سولتۇستىگىندە تۇمان تۇسەدى.

1- قازان تۇندە جانە تاڭەرتەڭ قاراعاندى قالاسىندا تۇمان تۇسەدى.

1- قازان تۇندە جانە تاڭەرتەڭ اقمولا وبلىسىنىڭ وڭتۇستىك جارتىسىندا تۇمان ءتۇسىپ، كوكتايعاق بولادى. وبلىستىڭ سولتۇستىگىندە جانە شىعىسىندا سولتۇستىك-باتىستان، باتىستان جەل سوعادى، ەكپىنى 15-20 م/س دەيىن كۇشەيەدى.

1-3- قازان ارالىعىندا تۇندە قىزىلوردا وبلىسىنىڭ سولتۇستىگىندە 3 گرادۋس ۇسىك جۇرەدى.

1-3- قازان تۇندە ماڭعىستاۋ وبلىسىنىڭ سولتۇستىگىندە 3 گرادۋسقا دەيىن ۇسىك بولادى.

1- قازاندا الماتى وبلىسىنىڭ وڭتۇستىگىندە جانە شىعىسىندا باتىستان جەل سوعادى. جەل قارقىنى 17-22 م/س جەتەدى.

1- قازان كۇندىز تۇركىستان وبلىسىنىڭ تاۋلى اۋداندارىندا سولتۇستىك-شىعىستان سوعاتىن جەلدىڭ كۇشى 15-20 م/س شاماسىندا بولادى.

2-3- قازان ارالىعىندا تۇركىستان وبلىسىنىڭ تاۋلى اۋداندارىندا جاۋىن-شاشىن جاۋادى، تاۋدا جاڭبىر قارعا ۇلاسادى.

سولتۇستىك-شىعىستان جەل سوعادى. تاۋلى اۋدانداردا جانە وبلىستىڭ سولتۇستىگىندە جەل جىلدامدىعى - 15-20 م/س.

2-4- قازان تۇندە وبلىستىڭ سولتۇستىگىندە، تاۋلى اۋدانداردا جانە تۇركىستان قالاسىندا 2 گرادۋس ۇسىك جۇرەدى.

وسى كۇندەرى شىمكەنت قالاسى ندا دا توپىراق بەتىندە 2 گرادۋس ۇسىك كۇتىلەدى.

1-3- قازان ارالىعىندا تۇندە اتىراۋ وبلىسىنىڭ سولتۇستىگىندە 3 گرادۋسقا دەيىن ۇسىك جۇرەدى.