21:46, 24 - تامىز 2021 | GMT +6
ەلوردادا ۇلتتىق سپورتتىڭ 8 تۇرىنەن جارىس وتەدى
نۇر-سۇلتان.قازاقپارات - ەلوردادا «ۇلى دالا رۋحى» فەستيۆالى باستاۋ الدى، دەپ حابارلايدى «حابار 24».
7 مىڭنان استام سپورتشى كوكپار، بايگە، تەڭگە ءىلۋ، اۋدارىسپاق، جامبى اتۋ، قازاق كۇرەسى، توعىزقۇمالاق، اسىق اتۋ بويىنشا سىنعا تۇسەدى. بۇگىن جەرەبە تارتۋ ءراسىمى ءوتتى. ءبىرىنشى كەزەڭدە 14 وبلىس پەن 3 قالا 4 توپقا ءبولىنىپ، ءوزارا مىقتىنى انىقتايدى. ال ەكىنشى كەزەڭدە جارتىلاي فينالدىق جانە فينالدىق باسەكەلەر وتەدى. فەستيۆال 9-قازانعا دەيىن جالعاسادى.
نۇركەن بايبۋريەۆ، ق ر ات سپورتى تۇرلەرىنەن مەملەكەتتىك جاتتىقتىرۋشى:
- بۇل فەستيۆالدىڭ ەرەكشەلىگى، جاستار مەن ءجاسوسپىرىم اراسىندا. قازاقستاننىڭ 4 ايماعىندا، باتىس، شىعىس، وڭتۇستىك- شىعىس وڭىرلەردەگى ايماقتاردىڭ اراسىنداعى سايىس وتەدى. ىرىكتەۋ ەندى باستالىپ جاتىر. اقتىق سايىسقا 200 دەن استام سپورتشى قاتىسادى.