8 - ماۋسىم. قازاقپارات كۇنتىزبەسى

اتاۋلى كۇندەر

بۇكىل الەمدىك مۇحيتتار كۇنى

بۇكىل الەمدىك مۇحيتتار كۇنىن وتكىزۋ يدەياسى 1992 -جىلى برازيليانىڭ ريو- دە- جانەيرو قالاسىندا وتكەن جوعارى دەڭگەيدەگى حالىقارالىق سامميتتە قابىلداندى. مۇنى 2009 -جىلدىڭ 12-اقپانىندا بىرىككەن ۇلتتار ۇيىمى باس اسسامبلەياسى بەكىتتى.

بۇكىل الەمدىك ميدىڭ قاتەرلى ىسىگىمەن كۇرەس كۇنى 2000 -جىلى گەرمانياداعى ميدىڭ قاتەرلى ىسىگىمەن كۇرەس قاۋىمداستىعىنىڭ (Deutsche Hirntumorhilfe e. V. ) باستاماسىمەن بەكىتىلدى. بۇل كۇننىڭ باستى مىندەتى - جۇرتشىلىقتىڭ نازارىن وبىردىڭ وسى تۇرىنە جانە وسى اۋرۋعا شالدىققان ادامداردىڭ جاعدايىنا اۋدارتۋ.

ەستە قالار وقيعالار

1937 -جىلى سەمەي قالالىق كەڭەسى وتىرىسىندا 1924 -جىلى اشىلعان اۋەسقوي جۇمىسشى جاستار تەاترىن ورىس دراما تەاترىنا اينالدىرۋ تۋرالى شەشىم قابىلداندى. 1975 -جىلى تەاتر ف. م. دوستويەۆسكييدىڭ ەسىمىمەن اتالعان الەمدەگى ەڭ العاشقى جانە جالعىز تەاتر بولدى.

1992 -جىلى قازاقستان رەسپۋبليكاسىنىڭ شەتەل ينۆەستيتسيالارى جونىندەگى ۇلتتىق اگەنتتىگى قۇرىلدى.

1998 -جىلى استانادا تولە بي، قازىبەك بي، ايتەكە بي ەسكەرتكىشتەرىنىڭ اشىلۋ ءراسىمى بولدى. ەسكەرتكىش اۆتورى - ءمۇسىنشى مۇرات مانسۇروۆ.

1999 -جىلى قازاقستان رەسپۋبليكاسى پرەزيدەنتى ن. نازاربايەۆ «تۇركى الەمىنە سىڭىرگەن ەڭبەگى ءۇشىن» سىيلىعىن يەلەندى.

2005 -جىلى قازاق ۇلتتىق ۋنيۆەرسيتەتىندە «قوزى كورپەش - بايان سۇلۋ جىرىنىڭ نۇسقالارى» اتتى كىتاپتىڭ تانىستىرىلىمى بولدى. بۇگىندە «قوزى كورپەش - بايان سۇلۋ» جىرىنىڭ 20 دان استام ۇلگىسى بار. بۇل جيناققا جىردىڭ ХІХ-ХХ عاسىرلاردا پەتەربوردا، قازان مەن ورىنبوردا اراب الىپبيىمەن تەرىلگەن بىرنەشە نۇسقالارى ەنگىزىلگەن. اتالعان كىتاپ جوعارى وقۋ ورىندارىنىڭ ستۋدەنتتەرى مەن اسپيرانتتارىنا، وقىتۋشىلار مەن ورتا مەكتەپ مۇعالىمدەرىنە ارنالعان. جيناقتى پروفەسسور سۇلتانعالي سادىربايەۆ دايىنداعان.

2011 -جىلى تاراز قالاسىنىڭ اباي داڭعىلى بويىنداعى سكۆەردە «العىس كىتابى» سيمۆوليكالىق اتاۋى بار مۇسىندىك تۇعىر ورناتىلدى.

2012 -جىلى تارازدا تەرروريست م. كاريەۆتى توقتاتىپ، قازا تاپقان حالىق قاھارمانى، پوليتسيا كاپيتانى عازيز بايتاسوۆتىڭ ءبيۋستى اشىلدى.

2013 -جىلى تۇركيانىڭ قارا تەڭىز جاعالاۋىنداعى سامسۋن قالاسىندا كورنەكتى قازاق كومپوزيتورى مۇقان تولەبايەۆتى ەسكە الۋعا ارنالعان «تۇركىسوي وپەرا كۇندەرى» 16-شى فەستيۆالى ءوتتى.

2015 -جىلى رەسەي پرەزيدەنتى ۆلاديمير پۋتين قازاقستان- رەسەي ىنتىماقتاستىعىنداعى جوسپارلاردىڭ دامۋىنا، ەۋرازيالىق ينتەگراتسيالىق پروتسەستەردى العا جىلجىتۋداعى ەكىجاقتى ىقپالداستىققا قوسقان ولشەۋسىز ۇلەسى ءۇشىن قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازاربايەۆتى الەكساندر نيەۆسكي وردەنىمەن ماراپاتتادى.

2017 -جىلى استانادا شانحاي ىنتىماقتاستىق ۇيىمىنىڭ ءسامميتى ءوتتى. ونىڭ بارىسىندا شىۇ- نىڭ قازىرگى قىزمەتى تالقىلانىپ، ءۇندىستان مەن پاكىستان ۇيىمنىڭ تولىققاندى مۇشەسى بولىپ قابىلداندى. استاناداعى سامميتتەن كەيىن شانحاي ىنتىماقتاستىق ۇيىمىنىڭ ءتوراعالىعى قازاقستاننان قىتايعا ءوتتى.

2019 -جىلى قىتايدىڭ چۋنتسين قالاسىندا Asian Grand Prix Series ءتۋرنيرىنىڭ ەكىنشى كەزەڭى ءوتتى. قازاقستاندىق جەڭىل اتلەتتەر ءۇش التىن مەدال الدى 100 مەتر قاشىقتىققا جۇگىرۋدە ولگا سافرونوۆا مارە سىزىعىن ءبىرىنشى بولىپ كەسىپ، چەمپيون اتاندى. سونىمەن قاتار 400 مەترگە جۇگىرۋدە ميحايل ليتۆين، 800 مەترگە جۇگىرۋدە مارگاريتا مۋكاشيەۆا ءبىرىنشى ورىن يەلەندى.