اۆتوتۇراقتاعى پليتكالاردى جوندەۋ كەزىندە بانككە اپاراتىن 8 مەترلىك تۋننەل تابىلدى
بەرلين. قازاقپارات - شپەنگتە (گ ف ر- دىڭ سولتۇستىگى) Volksbank نەمىس بانكىنىڭ اۆتوتۇراعىنداعى پليتكالاردى اۋىستىرىپ جاتقان جۇمىسشىلار قارجى مەكەمەسىنىڭ عيماراتىنا اپاراتىن تۋننەل تاپتى، دەپ حابارلايدى قازاقپارات.
Der Spiegel باسىلىمىنىڭ جازۋىنشا، اۆتوتۇراقتا توسەلگەن پليتكالار دەڭگەيى 14-مامىر كۇنى، جۇمادا تومەن ءتۇسىپ كەتكەن، بۇل قالا قىزمەتتەرىنىڭ نازارىن اۋداردى. جۇمىسشىلار بۇل جەردە قۇبىر جارىلدى دەپ ويلاعان. دۇيسەنبىدە ولار جوندەۋ جۇمىستارىنا كىرىسكەن كەزدە ۇزىندىعى سەگىز مەتر جانە ەنى شامامەن ءبىر مەتر بولاتىن تۋننەلدى تاپقان، ول ترانسفورماتور قورابىنان باستالعان.
Volksbank وكىلى شابۋىل جاساۋشىلار 23-مامىردا، جەكسەنبىدە بانك كەلۋشىلەرگە جابىق بولعان كەزدى جانە گەرمانياداعى كاتوليكتەر مەن پروتەستانتتار ترويتسىن كۇنىن اتاپ وتەتىن ءساتتى پايدالانىپ توناماق بولعان دەپ بولجاپ وتىر. پوليتسيا قىلمىسكەرلەردى ىزدەۋدە.
اۆتور: اياۋلىم التىنبەك
