قازگيدرومەت 8 وبلىستا ەسكەرتۋ جاريالادى
3-ساۋىردە كۇندىز قىزىلوردا وبلىسىنىڭ كەي جەرلەرىندە نايزاعاي كۇتىلەدى. وڭتۇستىك- شىعىستان جەل سوعادى، كۇشى كەي جەرلەردە 15-20 م/س بولادى.
قىزىلوردا قالاسىندا 3-ساۋىردە كۇندىز وڭتۇستىك- شىعىستان جەل سوعادى، ەكپىنى 15-20 م/س. 3-ساۋىردە تۇندە جانە تاڭەرتەڭ اقمولا وبلىسىنىڭ كەي جەرلەرىندە تۇمان، وڭتۇستىكتەن، وڭتۇستىك- شىعىستان جەل سوعادى، كۇشى 15-20 م/س بولادى.
كوكشەتاۋ قالاسىندا تۇندە 3-ساۋىردە وڭتۇستىكتەن، وڭتۇستىك- شىعىستان جەل سوعادى، ەكپىنى 15 م/س.
3-ساۋىردە اقتوبە وبلىسىنىڭ كەي جەرلەرىندە كوكتايعاق بولادى. وڭتۇستىك- شىعىستان، شىعىستان جەل سوعادى، كەي جەرلەرىندە ەكپىنى 15-20 م/س- عا جەتەدى. تۇندە 3-ساۋىردە اتىراۋ وبلىسىندا وڭتۇستىك- شىعىستان سولتۇستىك- باتىسقا اۋىسىپ جەل سوعادى، كۇشى كەي جەرلەردە 15-20 م/س بولادى.
اتىراۋ قالاسىندا تۇندە 3-ساۋىردە وڭتۇستىك- شىعىستان سولتۇستىك- باتىسقا اۋىسىپ جەل سوعادى، ەكپىنى 15-18 م/س. 3-ساۋىردە تۇركىستان وبلىسىنىڭ كەي جەرلەرىندە وڭتۇستىك- شىعىستان، شىعىستان سوعاتىن جەلدىڭ كۇشى 15-20 م/س- عا جەتەدى. 3-ساۋىردە سولتۇستىك قازاقستان وبلىسىنىڭ كەي جەرلەرىندە تۇمان تۇسەدى. وڭتۇستىك- باتىستان جەل سوعادى، كەي جەرلەردە كۇشى 15-20 م/س بولادى.
پەتروپاۆل قالاسىندا 3-ساۋىردە وڭتۇستىك- باتىستان جەل سوعادى، تۇندە ەكپىنى 15-20 م/س بولادى. 3-ساۋىردە قاراعاندى وبلىسىندا كەي جەرلەردە تۇمان كۇتىلەدى. وڭتۇستىك- شىعىستان جەل سوعادى، كۇشى كۇندىز كەي جەرلەردە 15-20 م/س بولادى.
جەزقازعان قالاسىندا 3-ساۋىردە وڭتۇستىك- شىعىستان جەل سوعادى، كۇشى كۇندىز 15-20 م/س بولادى. 3, 4-ساۋىردە جامبىل وبلىسىندا كەي جەرلەردە تۇمان، تۇندە 3، 4-ساۋىردە كوكتايعاق كۇتىلەدى. 2-4-ساۋىردە سولتۇستىك- شىعىستان سوعاتىن جەل وڭتۇستىك- باتىس جەلىنە اۋىسادى، كەي جەرلەردە 15-20 م/س، 3، 4-ساۋىردە ەكپىنى 23-28 م/س بولادى.
تاراز قالاسىندا 3, 4-ساۋىردە كەي ۋاقىتتا تۇمان كۇتىلەدى. 4-ساۋىردە سولتۇستىك- شىعىستان سوعاتىن جەل وڭتۇستىك- باتىسقا قاراي اۋىسادى، ەكپىنى 15-20 م/س بولادى.
اۆتور: ەربول جانات
