8-قاڭتاردا قازاقستاننىڭ باسىم بولىگىندە كۇن اياز بولادى

قازاقستان تەرريتورياسىنىڭ باسىم بولىگى ءالى دە سولتۇستىك انتيسيكلون جوتاسىنىڭ ىقپالىندا بولادى جانە ايازدى، قار، جاۋىن- شاشىنسىز اۋا رايى ساقتالادى. تەك رەسپۋبليكانىڭ سولتۇستىك- باتىسىندا، باتىسىندا، وڭتۇستىك- شىعىسىندا جانە وڭتۇستىگىندە تۇندە اتموسفەرالىق فرونتالدى بولىكتەردىڭ وتۋىنە بايلانىستى قار جاۋادى.

رەسپۋبليكانىڭ كەي جەرلەرىندە تۇمان، جەلدىڭ كۇشەيۋى، باتىسىندا - كوكتايعاق، جاياۋ بۇرقاسىن كۇتىلەدى. باتىس قازاقستان وبلىسىنىڭ كەي جەرلەرىندە تۇمان، جاياۋ بۇرقاسىن كۇتىلەدى، كۇندىز جەل 15-20 م/س- عا دەيىن كۇشەيەدى.

ماڭعىستاۋ وبلىسىنىڭ كەي جەرلەرىندە جەل 15-20 م/س- عا دەيىن كۇشەيەدى. الماتى، جامبىل، تۇركىستان، اتىراۋ، قوستاناي، پاۆلودار، شىعىس قازاقستان وبلىستارىنىڭ كەي جەرلەرىندە تۇمان، اتىراۋ وبلىسىنىڭ كەي جەرلەرىندە كوكتايعاق كۇتىلەدى. تۇندە الماتى، قاراعاندى وبلىستارىنىڭ كەي جەرلەرىندە قاتتى اياز كۇتىلەدى.