ەلوردالىق ايەل 8 جاستاعى قىزىن قىستىڭ سۋىعىندا دالاعا قۋىپ جىبەرگەن
نۇر-سۇلتان. قازاقپارات - ەلوردادا 35 جاستاعى ايەل 8 جاستاعى قىزىن قىستىڭ سۋىعىندا دالاعا قۋىپ جىبەرگەن 35 جاستاعى ايەلدىڭ ءىسى قارالۋدا، دەپ حابارلايدى قازاقپارات ءتىلشىسى قالالىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
«23-جەلتوقساندا ساعات 21.20 شاماسىندا پوليتسياعا ەلوردا تۇرعىندارىنىڭ بىرىنەن حابارلاما ءتۇستى. ول ءوزىنىڭ كورشىسى 6 جاستاعى ۇلى مەن 8 جاستاعى قىزىن ساباپ، سىرتقا قۋىپ جىبەرگەنىن ايتقان» دەلىنگەن حابارلامادا.
پوليتسيا قىزمەتكەرلەرى وسى وقيعاعا قاتىستى 35 جاستاعى ايەلدەن جاۋاپ العان. ول وسىنداي امالمەن كورشىلەردىڭ كىر قىستىرعىشىن رۇقساتسىز الىپ، ويناعان بالالارىن جازالاعانىن ايتقان. نۇر-سۇلتان قالاسىنىڭ پوليتسيا دەپارتامەنتى اتالمىش وتباسىن ارنايى ەسەپكە تىركەدى. قازىر قۇقىق قورعاۋشىلار ءىستىڭ ءمان-جايىن جان-جاقتى زەرتتەۋدە. زەرتتەۋ قورىتىندىسى بويىنشا بالالاردىڭ زاڭدى وكىلىنە قاتىستى شەشىم قابىلدانادى.
اۆتور: ايان بەكەن ۇلى
