اعزاعا اقۋىز جەتىسپەيتىنىن بىلدىرەتىن 8 بەلگى

ادام اعزاسىنىڭ %15-20 اقۋىزدان تۇرادى. ول جەتىسپەگەندە بۇلشىقەت جۇمىسى ناشارلاپ، تەرىنىڭ قايتا قالپىنا كەلۋ قابىلەتى تومەندەيدى.

مىنا بەلگىلەرگە قاراپ، اعزاعا اقۋىز جەتىسپەيتىنىن ءبىلىپ، دارىگەرگە قارالۋ كەرەگىن تۇسىنۋگە بولادى.

ءىسىنۋ

اقۋىز جەتىسپەگەندە قارىن ماڭى، اياق، تابان مەن قول ىسىنەدى. البۋمين اقۋىزى سۇيىقتىقتىڭ دۇرىس اينالۋىنا كومەكتەسەدى، ال ونىڭ جەتىسپەۋى سۇيىقتىقتىڭ تۇرىپ قالۋىنا سەبەپ بولادى.

جارانىڭ ۇزاق جازىلۋى

كوللاگەن جەتىسپەگەندە كەز كەلگەن كىشىگىرىم جارا مەن جاراقاتتىڭ جازىلۋى ۇزاققا سوزىلادى. ويتكەنى قان ناشار ۇييدى.

شاش، تىرناق پەن تەرى

ەلاستين، كوللاگەن مەن كەراتين - شاش، تىرناق پەن تەرىنىڭ نەگىزگى دىڭگەگى. اعزادا اقۋىز از بولعاندا تىرناق جۇمسارىپ، شاش سيرەپ، تەرى كەبە باستايدى.

السىزدىك پەن شارشاڭقىلىق

ادام جاسى ۇلعايعان سايىن بۇلشىقەت مولشەرى ازايىپ، تەرىدەن سۋ كەتەدى. زات الماسۋ باياۋلاي تۇسكەن ساتتە جاسۋشالارعا وتتەگى جەتپەيدى. وسىنىڭ سالدارىنان ادام تەز شارشاپ، ءوزىن ءالسىز سەزىنەدى.

كوپ تاماق جەۋ

اقۋىز دا كومىرسۋ، ماي سياقتى اعزانى بابىندا ۇستاپ تۇرادى. ول قانداعى قانت دەڭگەيىن رەتتەۋگە كومەكتەسەدى، كومىرسۋلاردىڭ ءسىڭۋىن باياۋلاتادى، سوندىقتان توقتىق سەزىمىن ساقتاۋعا ىقپال ەتەدى.

زەيىن قويۋ قابىلەتى تومەندەيدى

اقۋىز ءبىزدىڭ ميىمىزدى جۇمىس جاعدايىندا ۇستاپ تۇراتىن فەرمەنتتەر مەن نەيروتراسميتتەردىڭ قالىپتى وڭدەلۋىنە قاجەت. ەگەر اقۋىز جەتىسپەسە، زەيىن قويۋ السىرەيدى، سوندىقتان جۇمىس ىستەۋ قيىنداي تۇسەدى.

يممۋنيتەتتىڭ السىرەۋى

قانداعى امينقىشقىلىنىڭ كومەگىمەن يممۋن جۇيەسى اعزادا ۆيرۋس، باكتەريا جانە ۋىتقا قارسى انتيدەنەلەردى وندىرەدى. ال اقۋىز قورەكتىك زاتتاردى قورىتۋعا اسەر ەتەدى. ونىڭ مولشەرى ازايعاندا، يممۋن جۇيەسى السىرەپ، ادام اۋىرعىش كەلەدى.

كوڭىل كۇيدىڭ جىلدام وزگەرۋى

اقۋىز قۇرامىنا كىرەتىن امينقىشقىل جۇيكە جۇيەسىنىڭ بايلانىسىنا ىقپال ەتەدى. اقۋىز جەتپەگەندە كوڭىل كۇي تەز وزگەرەتىن ادەت پايدا بولادى.

اعزاداعى اقۋىزدىڭ مولشەرىن قالىپتا ۇستاۋ ءۇشىن مىنا ونىمدەردىراتسيونعا قوسۋعا بولادى:

بالىق

ەڭ پايدالى ءتۇرى - البىرت، باقتاق، مايشاباق.

جۇمىرتقا

ءبىر جۇمىرتقادا 6,5 گرام اقۋىز بار. ايەل ادامعا كۇنىنە ورتا ەسەپپەن 50 گرام اقۋىز قاجەت.

ەت

ەگەر ەتتى جاقسى كورسەڭىز، وندا ەڭ دۇرىسى مايسىز ەتتى تۇتىنۋ. ارتەريا قىسىمىن تومەندەتۋ ءۇشىن كۇنىنە 175 گرام ەت جەۋگە كەڭەس بەرەمىز.

جاڭعاق پەن بۇرشاق

بۇرشاقتاردا اقۋىز كوپ. سونداي-اق كومىرسۋتەك بار. قۇرامىنداعى ماي مولشەرى دە از. ال جاڭعاقتاردىڭ قۇرامىندا اقۋىز عانا كوپ ەمەس. ول سونداي-اق ارتىق سالماقتان ارىلۋعا كومەكتەسەدى.

قۇس ەتى

تاۋىق ەتى مەن كۇركەتاۋىق ەتىندە اقۋىز وتە كوپ. ءبىراق ماي از. تاۋىق ەتىنىڭ ءبىر پورتسياسىندا 21 گرام اقۋىز بولادى.

مايسىز ءسۇت ونىمدەرى

ءسۇت ونىمدەرى سۇيەكتەرگە وتە پايدالى. سونداي-اق ولاردىڭ قۇرامىندا قالىپتى قىسىمدى ۇستاپ تۇرۋعا كومەكتەسەتىن اقۋىز بار. ەرەسەكتەرگە كۇنىنە ەكى-ءۇش پورتسيا ءسۇت ونىمدەرىن تۇتىنۋ كەرەك.

massaget.kz