ەلوردادا 8- قاراشا كۇنى اۆتوبۋس جۇرمەيدى

بۇل جايىندا City Transportation Systems كومپانياسى مالىمەت تاراتتى.

«8- قاراشادا دەزينفەكتسيالىق جۇمىستاردىڭ جۇرگىزىلۋىنە بايلانىستى قوعامدىق كولىك ءبىر كۇنگە توقتايدى. دۇيسەنبى كۇنى، 9- قاراشادا اۆتوبۋستار قايتادان قاتىنايدى. قالا تۇرعىندارىن سانيتارلىق نورمالاردى ساقتاۋعا شاقىرامىز» دەپ جازدى كومپانيا Instagram پاراقشاسىندا.

اۆتوبۋسقا ماسكاسىز كىرۋگە تىيىم سالىنادى. جول اقىسى قولما-قول اقشاسىز، SMS كومەگىمەن جانە موبيلدى قوسىمشالار ارقىلى تولەنەدى.

ەسكە سالا كەتەيىك، ەلورداداعى قوعامدىق كولىك جولاۋشىلارىنا ىڭعايلى بولۋ ءۇشىن تولەم جاساۋدىڭ ءتۇرلى ادىستەرى مەن تاريفتەرى قاراستىرىلعان:

- كولىك ءاميانى - اقشانى كولىك كارتاسىنا اۋدارۋ؛

- كولىك بيلەتى - 10 ساپارعا ارنالعان قاعاز كولىك كارتاسى؛

- «SMS ارقىلى تولەم جاساۋ» - ۇيالى بايلانىس وپەراتورى ارقىلى جول اقىسىن قولما-قول اقشاسىز ەلەكتروندى تۇردە تولەۋدىڭ قوسىمشا قىزمەتى؛

- «QR- كود ارقىلى تولەم جاساۋ» - جولاۋشىنىڭ بانك كارتاسىمەن بايلانىسقان موبيلدىك قوسىمشا ارقىلى نەمەسە ابونەنتتىك نومىردەگى تەڭگەرىمنەن اۋدارۋ ارقىلى جۇزەگە اسىرىلادى؛

- بىرلەسكەن برەندتىك كارتا - جول اقىسىن ەلەكتروندى تۇردە تولەۋ جۇيەسىندە پايدالانۋعا ارنالعان كولىك كارتاسىنىڭ ينتەگراتسيالانعان ءچيپى بار جەكە بانكتىك كارتا.

تاۋلىكتىك جول ءجۇرۋ بيلەتىنىڭ جارامدىلىعى ساتىپ الىنعان ساتتەن ەمەس، ءبىرىنشى ۆاليداتسيادان كەيىن ەسەپتەلە باستايدى.