قازاقستاندا ينفەكسيالىق 8 ستاتسيونار جابىلدى

نۇر-سۇلتان. قازاقپارات - قازاقستان وڭىرلەرىندە پروۆيزورلىق جانە ينفەكسيالىق ستاتسيونارلار جابىلادى، سونداي- اق توسەك- ورىندار سانى قىسقارادى، دەپ حابارلايدى ق ر دەنساۋلىق ساقتاۋ مينيسترلىگىنىڭ باسپا ءسوز قىزمەتى.

باسپا ءسوز قىزمەتىنىڭ مالىمەتتەرىنە قاراعاندا، قازىرگى ۋاقىتتا قازاقستاندا 7 پروۆيزورلىق ستاتسيونار جانە 1 ينفەكسيالىق ستاتسيونار جابىلدى. جالپى سانى 1070 توسەك-ورىن، سونداي-اق 6 پروۆيزورلىق ستاتسيونارلاردا (855 ورىنعا) توسەك-ورىن سانى قىسقاردى.

جابىلعان ايماقتار: اقتوبە وبلىسى – ب ق م م ۋ جاتاقحاناسى (300 توسەك- ورىن)؛ اتىراۋ وبلىسى - قۇرمانعازى اگرارلى- تەحنيكالىق كوللەدجىنىڭ جاتاقحاناسى (30 توسەك)، جىلىوي تۋبەركۋلەزگە قارسى ديسپانسەرى (10 توسەك)، اتىراۋ وبلىستىق اۋرۋحاناسى (200 توسەك)؛

قاراعاندى وبلىسى - وبلىستىق كارديوورتالىق جانىنداعى «تۋريست» قوناق ءۇيى (100 توسەك)، وبلىستىق پسيحيكالىق دەنساۋلىق ورتالىعى جانىنداعى قارمتۋ جاتاقحاناسى (100 توسەك)؛ نۇر- سۇلتان قالاسى - قالالىق پسيحيكالىق دەنساۋلىق ورتالىعى (230 توسەك - ورنى بار ينفەكسيالىق ستاتسيونار)؛ شىمكەنت قالاسى - وبلىستىق بالالاردى وڭالتۋ ورتالىعى (100 توسەك- ورىن).

توسەك-ورىن سانىن قىسقارتۋ بويىنشا:

ماڭعىستاۋ وبلىسى - ماڭعىستاۋ وبلىستىق اۋرۋحاناسى (150 توسەكتىك)، جاڭاوزەن قالالىق اۋرۋحاناسى (100 توسەكتىك)، بەينەۋ اۋرۋحاناسى (30 توسەكتىك)، ءتۇپقاراعان اۋداندىق اۋرۋحاناسى (25 توسەك- ورىن)، ماڭعىستاۋ اۋداندىق اۋرۋحاناسى (50 توسەك- ورىن)؛ پاۆلودار وبلىسى - «مويىلدى» شيپاجايى» ا ق بازاسىنداعى سۇلتانوۆ اتىنداعى گوسپيتال (500 توسەك- ورىن). قالعان وبلىستاردا جانە الماتى قالاسىندا پروۆيزور ورتالىقتارىن جابۋ نەمەسە توسەك- ورىن سانىن قىسقارتۋ اعىمداعى جىلدىڭ 2-تامىزىنان باستاپ جوسپارلانۋدا.