يراندا كوروناۆيرۋس جۇقتىرعاندار سانى 8 مىڭنان استى
تەگەران. يرنا - قازاقپارات - يران دەنساۋلىق ساقتاۋ مينيسترلىگىنىڭ مالىمەتىنشە، ەلدە كوروناۆيرۋس جۇقتىرعاندار سانى 8042 ادامعا جەتتى، دەپ حابارلايدى قازاقپارات يرنا اگەنتتىگىنە سىلتەمە جاساپ.
دەنساۋلىق ساقتاۋ مينيسترلىگىنىڭ وكىلى كيانۋش دجاحانپۋر سوڭعى تاۋلىكتەردە تاعى 881 ادامنىڭ قاۋىپتى ىندەتتى جۇقتىرعانىن حابارلادى.
«وسىلايشا يراندا كوروناۆيرۋسقا شالدىققاندار سانى 8042 گە جەتتى»، - دەپ ءمالىم ەتتى ول باسپا ءسوز ءماسليحاتىندا.
كيانۋش دجاحانپۋردىڭ سوزىنە سەنسەك، ۆيرۋس جۇقتىرعاندار ىشىندە 2731 ادام اۋرۋدان ايىققان. ال 291 ادام كوز جۇمعان.
