كوروناۆيرۋس: ەكى كۇندە قازاقستاندىق دارىگەرلەر 8 مىڭ شەتەلدىكتى تەكسەردى

نۇر- سۇلتان. قازاقپارات - كوروناۆيرۋس ىندەتىنە بايلانىستى شەكارالىق بەكەتتەردە تەكسەرۋ جۇمىستارى كۇشەيتىلگەن، دەپ حابارلايدى قازاقپارات ءتىلشىسى.

بۇل تۋرالى ق ر دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ مالىمدەدى.

«بيىلعى جىلدىڭ 2-4 - اقپانى ارالىعىندا قازاقستانعا باسقا ەلدەردەن مەملەكەتتىك شەكارا پۋنكتتەرى ارقىلى 127 مىڭ 573 ادام كىردى. 2020 -جىلدىڭ 1 - قاڭتارىنان باستاپ، 764683 ادام كەلدى. 2-4 - اقپان ارالىعىندا 8676 ازامات ق ر حالىقارالىق اۋەجايلارىندا قارالدى. ونىڭ ىشىندە 8092 جولاۋشى جانە 584 ەكيپاج مۇشەسى بار. ءبىر جاسقا دەيىنگى ءبىر بالادان دەنە قىزۋى انىقتالدى. مەديتسينالىق قىزمەتكەرلەر بۇل بالاعا جرۆي دياگنوزىن قويدى» ، - دياس احمەتشارىپ قازمەديا ورتالىعىندا وتكەن بريفينگتە.

ايتا كەتەيىك، 6 - قاڭتاردان باستاپ، بۇگىنگە دەيىن قازاقستانعا قىتايدان 30394 قازاقستاندىق كەلدى.

5 - اقپانعا دەيىن جرۆي بەلگىلەرى بار 104 ادام اۋرۋحاناعا جاتقىزىلدى، 71 ادام اۋرۋحانادان شىعارىلدى. 33 پاتسيەنت ستاتسيوناردا قالدى.

الەم بويىنشا، جاڭا كوروناۆيرۋس سالدارىنان قازا تاپقاندار سانى بۇگىن 490 عا جەتتى .