11:01, 05 - ماۋسىم 2019 | GMT +6
سۋدا جۇزۋدەن الەم كۋبوگىندە قازاقستاندىقتار 8 مەدال جەڭىپ الدى
نۇر-سۇلتان. قازاقپارات - مامىردىڭ 30 ى مەن ماۋسىمنىڭ 2 ى ارالىعىندا يتاليانىڭ لينيانو ساببيادوررو قالاسىندا سۋدا جۇزۋدەن پاراالەم كۋبوگى ءوتتى، دەپ حابارلايدى قازاقپارات ق ر ۇلتتىق پاراليمپيادا كوميتەتىنە سىلتەمە جاساپ.
حالىقارالىق دەڭگەيدەگى سپورت باسەكەسىنە الەمنىڭ 31 ەلىنەن 260 سپورتشى، سونداي-اق 27 يتاليالىق كلۋب كوماندالارى قاتىستى.
ەلىمىزدىڭ نامىسىن ۇلتتىق پاراليمپيادا قۇراما كومانداسى كىرەتىن جانە وڭىرلەردەن كەلگەن 18 پارا ءجۇزۋشى قورعادى.
«كۋبوك ناتيجەسىندە جالپى ەسەپ بويىنشا ءى ورىندى يتاليا كومانداسى يەلەندى، Ⅱ ورىن گەرمانياعا بۇيىرسا، تيىسىنشە Ⅲ ورىنعا ۇلى بريتانيا پاراسپورتشىلارى تۇراقتادى. قازاقستان جالپىكوماندالىق ەسەپتە 8 مەدالمەن 6 ورىندى ورنىقتى. اتاپ ايتقاندا، ەلىمىزدىڭ قورجىنىندا 1 التىن، 5 كۇمىس جانە 2 قولا جۇلدە بار»، - دەپ حابارلايدى كوميتەت.