گيمالايدا جوعالعان 8 الپينيستىڭ بەسەۋىنىڭ ءمايىتى تابىلدى
«ولار الپينيستەردىڭ جۇرگەن جولى بويىنان تابىلدى»، - دەدى ءۇندىستان ۇكىمەتىندەگى دەرەككوز. وسى اۋماقتا بۇدان بۇرىن بىرنەشە رەت قار كوشكىنى جۇرگەن.
ەسكە سالا كەتسەك، ءۇندىستاننىڭ ەڭ بيىك شىڭدارىنىڭ ءبىرى ناندا- ديەۆيگە كوتەرىلىپ كەلە جاتقان سەگىز الپينيست حابار-وشارسىز كەتتى.
ولار - ۇلى بريتانيا، ا ق ش، اۋستراليا جانە ءۇندىستان ازاماتتارى. جوعالعانداردى ىزدەۋگە اسكەري اۆياتسيا تارتىلدى. قۇتقارۋشىلار الپينيستەردىڭ امان قالۋى ەكىتالاي ەكەنىن ايتىپ وتىر.
ءۇندىستان الپينيزم ينستيتۋتىنان شىققان وفيتسەر، ءتورت بريتانيالىق، ەكى امەريكالىق جانە ءبىر اۋستراليالىق باعىندىرۋ اسا قيىن شىڭداردىڭ ءبىرى سانالاتىن ناندا-ديەۆيگە كوتەرىلۋدى 13 -مامىر كۇنى باستاعان. شىڭنىڭ تەڭىز دەڭگەيىنەن بيىكتىگى - 7816 مەتر. الپينيستەر الدىمەن بۇرىن ەشكىم شىقپاعان 6477 مەترلىك شىڭعا كوتەرىلمەك بولعان. جوسپار بويىنشا، 31 -مامىر كۇنى الپينيستەر لاگەرگە ورالۋى ءتيىس ەدى. ولاردان حابار بولماعان سوڭ، بازاداعىلار دابىل قاققان.
جەرگىلىكتى بيلىك وكىلدەرىنىڭ جورامالىنشا، 27 -مامىر كۇنى تاۋدا قار كوشكىنى جۇرگەن. ال جوعالعان الپينيستەرگە سەنبى كۇنى ىزدەۋ سالىندى. ءبىراق اۋا رايىنىڭ ناشارلاۋىنا بايلانىستى، وپەراتسيا توقتاتىلىپ، ەرتەڭىنە قايتا باستالعان ەدى.