قوستانايلىق كاسىپكەرلەر 8 كوپبالالى وتباسىنا پاتەر الىپ بەردى

None
None
قوستاناي. قازاقپارات - «Nur Otan» پارتياسىنىڭ حاتشىسى فارحاد قۋانعانوۆ قوستاناي وبلىسىنا جۇمىس ساپارى اياسىندا كوپبالالى انالاردى جەكە سۇراقتارىمەن قابىلدادى، دەپ حابارلايدى قازاقپارات.

قابىلداۋعا قالالىق اكىمشىلىك وكىلدەرى مەن «تۇرعىن ءۇي قۇرىلىس جيناق بانكى»، «قارجىلاي قولداۋ قورى» ماماندارى قاتىستى. كومەك سۇراي كەلگەن انالاردىڭ قاتارىندا ناتاليا وكۋنيەۆيچ تە بار. ول - 4 بالانىڭ اناسى. دەگەنمەن، ناتاليا وكۋنيەۆيچ وسى ۋاقىتقا دەيىن تۇرعىن ءۇي كەزەگىندە «كوپبالالى انا» ساناتىنا اۋىسا الماي كەلگەن. ەندى پارتيا حاتشىسىنىڭ ارقاسىندا ماسەلەنىڭ وڭ شەشىمى تابىلدى. تۇرعىن ءۇي كوميسسياسىنىڭ شەشىمىمەن ول كوپبالالى انالاردىڭ ساناتىنا قوسىلدى. سونداي- اق، وعان باسپانالى بولۋدىڭ تەتىكتەرى ءتۇسىندىرىلدى. ءارى پارتيا حاتشىسى ازىق- تۇلىك دورباسىن تابىس ەتتى.

null 

التى بالانىڭ اناسى جانىل جاقىپوۆا كوپبالالى انالار ءۇشىن ءتىس دارىگەرىندە تەگىن ەمدەلۋ قاجەتتىگىن العا تارتتى. ول وبلىس ورتالىعىندا اقىسىز ساۋىقتىرۋ كەشەنىن سالۋدى سۇرايدى. ونىڭ ءوتىنىشى قارالىپ، قوستاناي قالالىق جۇمىسپەن قامتۋ مەن الەۋمەتتىك باعدارلامالار بولىمىنە بارۋ ۇسىنىلدى. كوپبالالى اناعا ءبىر رەتتىك تەگىن كومەك الۋعا بولاتىنى ايتىلدى.

فارحاد قۋانعانوۆتىڭ وبلىستاعى جۇمىس ساپارى تاران اۋدانىندا جالعاستى. ول پارتيانىڭ تاران اۋداندىق فيليالىنىڭ دەپۋتاتتىق فراكسياسىنىڭ كەڭەيتىلگەن وتىرىسىنا قاتىسىپ، اۋداننىڭ الەۋمەتتىك- ەكونوميكالىق دامۋ قارقىنىمەن تانىستى.

null 

تاران اۋداندىق فيليالى ءتوراعاسىنىڭ ءبىرىنشى ورىنباسارى ايناش دادانوۆا وڭىردە «باقىتتى وتباسى»، «حالىققا كومەك» پارتيالىق جوبالارى اياسىندا اۋقىمدى جۇمىستار ىسكە اسىپ جاتقانىن ايتتى. ماسەلەن، جىل باسىندا اۋداندا 9 كوپبالالى وتباسى باسپاناعا مۇقتاج بولعان ەدى. الايدا، كاسىپكەرلەردىڭ دەمەۋشىلىك تانىتۋىمەن بۇگىندە ونىڭ 8 ى تۇرعىن ۇيگە قول جەتكىزدى.

null 

پارتيا حاتشىسى تاياۋدا عانا دەمەۋشىلەردىڭ قولداۋىمەن باسپانالى بولعان كوپبالالى وتباسى قانابايەۆتاردىڭ شاڭىراعىندا بولىپ، جاعدايلارىن ءبىلدى. ءوز كەزەگىندە كوپبالالى وتباسى ەلباسىنا، پارتيالىقتاردىڭ اتقارىپ جاتقان جۇمىستارىنا ريزاشىلىقتارىن جەتكىزدى.

ساپار سوڭىندا فارحاد قۋانعانوۆ س. ەرعاليەۆ اتىنداعى ورتا مەكتەپكە اتباسىن بۇرىپ، ونداعى «تەگىن IT- سىنىپ» جوباسىنىڭ جۇمىسىمەن تانىستى. بۇل باستاما پارتيالىق جوبا اياسىندا قولعا الىنعان-دى. مۇندا 60 تان استام وقۋشى ءبىلىم الادى.

سوڭعى جاڭالىقتار