الەمدەگى ەڭ تاڭداۋلى 8 اسكەري جاساق جايلى نە بىلەمىز؟

بۇل تۋرالى bigpicture.ru-عا سىلتەمە جاساعان NUR. KZ حابارلايدى.

1. سەگىزىنشى ورىندا پاكىستانداعى ارنايى جاساق. ولاردى الەم ەلدەرى قولباسشىلارىنىڭ باس كيىمى ءۇشىن «قارا كوكقۇتاندار» دەگەن اتپەن تانيدى.

بۇل جاساق 2009-جىلى قازان ايىندا قىلمىسكەرلەرمەن قاقتىعىسىپ، كەپىلگە الىنعان 39 ادامدى قۇتقارىپ قالعان.

2. جەتىنشى ورىندا يسپانيا قارۋلى كۇشتەرىنىڭ اسكەري جاساعى. ولار ەۋروپادا بۇرىننان اسا قۇرمەتكە يە بولىپ تابىلادى. جاساق 1952-جىلى قۇرىلعان.

3. التىنشى ورىندا - 1974-جىلى رەسەيدە قۇرىلعان انتيتەررورلىق «الفا» جاساعى.

2002-جىلى رەسەيلىك سپەتسنازدار، سونىڭ ىشىندە «الفا» ساربازدارى «نورد-وست» شاراسى كەزىندە ماسكەۋ تەاترىندا كەپىلگە الىنعانداردى قۇتقارۋ ءۇشىن حيميالىق گاز قولدانعان. ناتيجەسىندە 129 ادام قايتىس بولعان. وسى وقيعادان سوڭ جاساق سىننىڭ استىندا قالىپتى.

4. بەسىنشى ورىندا فرانسيانىڭ انتيتەررورلىق جاساعى. وندا 200 ادام كەپىلدەگىلەردى قۇتقارۋعا ماشىقتانعان.

1973-جىلى قۇرىلعاننان بەرى 600 ادامدى قۇتقارىپتى. فرانسيانىڭ زاڭىنا سايكەس، اتالعان جاساق ساربازدارىنىڭ تۇرلەرىن سۋرەتكە ءتۇسىرۋ زاڭبۇزۋشىلىق بولىپ تابىلادى.

فرانسيالىق جاساق 1979-جىلى مەككەدەگى اتاقتى مەشىتتى باسىپ العان تەرروريستەرگە قارسى تۇرعان. ولار ساۋد ارابياسىنىڭ اسكەري كۇشتەرىمەن بىرگە، مەشىتتى قايتارىپ الىپتى.

5. ءتورتىنشى ورىندا يزرايلدىك «سايەرەت ماتكال» تاڭداۋلى اسكەري جاساعى. اتالعان اسكەري قۇرامعا كىرۋ ءۇشىن ساربازدار كوپتەگەن دايىندىقتان وتەدى. ىرىكتەۋ ۋاقىتىندا اسكەريلەر دارىگەرلەر مەن پسيحولوگتاردىڭ باقىلاۋىندا بولادى.

2003-جىلى يزرايلدىك تاكسي جۇرگىزۋشىسى ەليااحۋ گۋرەل ءوزىنىڭ كولىگىمەن ءتورت پالەستينالىقتى يەرۋساليمگە اپارعان سوڭ جوعالىپ كەتكەن. «سايەرەت ماتكال» قۇرامى جابىرلەنۋشى تاۋىپ، راماللا قالاسىنىڭ جانىنداعى 10 مەرتلىك شۇڭقىردان شىعارىپ الىپتى.

6. ءۇشىنشى ورىندا بريتاندىق ارنايى اۋە جاساعى تۇر. ولاردىڭ ۇرانى «باتىرلار عانا جەڭىسكە جەتەدى».

7. ەكىنشى ورىندا انگليالىق «تەڭىز مىسىعى» جاساعى. قۇرامعا ىرىكتەۋ كەزىندە ساربازداردىڭ شىدامدىلىعىن تەكسەرىپ، قيىن جاتتىعۋلار قولدانادى. ءاربىر اسكەريدە تەست تاپسىرۋعا ەكى مۇمكىندىك بەرىلەدى.

8. ءبىرىنشى ورىندا ا ق ش- تىڭ «تەڭىز مىسىعى» جاساعى. اسكەريلەردى قابىلداۋ ۋاقىتىندا قيىن جاتتىعۋلار قولدانىلادى. دجۋنگليدەگى جاتتىعۋ كەزىندە ساربازدار امان قالۋ ءۇشىن جىلاننىڭ قانىن ىشەدى.