استانادا 8- قاراشادا ەسكەرتۋ دابىلى قاعىلادى

استانا. قازاقپارات - 8- قاراشادا استانادا راديو ارنالاردا دابىلدار قوسىلىپ قۇلاقتاندىرۋ جۇيەلەرى تەكسەرىلەدى، دەپ حابارلايدى قازاقپارات قالالىق ت ج د- عا سىلتەمە جاساپ.

«8- قاراشادا 9 ساعات 55 مينۋتتا استانا قالاسى توتەنشە جاعدايلار دەپارتامەنتى تەلە-راديو ارنالاردا ەلەكترودابىلدارىن قوسۋ ارقىلى استانا قالاسىنىڭ قۇلاقتاندىرۋ جۇيەلەرىن تەكسەرەدى. اتالمىش تەكسەرۋ جوسپارلى تۇردە وتكىزىلىپ وتىرادى»، دەلىنگەن حابارلامادا.

ەسكە سالا كەتسەك، توتەنشە جاعداي بولعاندا نەمەسە توتەنشە جاعدايدىڭ ورىن الۋى قاۋپى تونگەن كەزدە ەلەكترودابىلدار نەمەسە باسقا دا دابىل قۇرالدارى قوسىلادى. دابىلدى ەستىگەن تۇرعىندار مىندەتتى تۇردە قولايلى اقپارات قابىلداۋ قۇرالدارىن (تەلەديدار، راديو جانە ت. ب.) ءىس-ارەكەتتەر تۋرالى نۇسقاۋلار مەن اقپارات الۋى ءۇشىن قوسۋى كەرەك.

ت ج د قالا تۇرعىندارى مەن قوناقتارىنا دابىلدى تەكسەرۋ بارىسىندا سابىرلىق ساقتاۋعا، سونداي-اق ۇرەيلەنبەۋگە شاقىرادى.