الماتىلىق قۇتقارۋشىلار تاۋدا اداسىپ كەتكەن 8 ادامدى قۇتقاردى
«جەكسەنبى كۇنى كەشكى 18:38 دە تۋريستەر توبى تاۋدان ءوز بەتىنشە تۇسە الماي جاتقانى تۋرالى شۇعىل حابارلاما ءتۇستى. بەس ادامنىڭ ءبىرى بالا ەكەن. ساياحاتشىلار ۇلكەن الماتى كولىنە الەشكين كوپىرى ارقىلى وڭ جاق قاپتالمەن كوتەرىلگەن. وزەن بويىمەن شامامەن 1,5 ساعاتتاي ءجۇرىپ وتىرىپ، شەكارا پوستىنىڭ تۇسىنان شىققان. كولىكتەرىن عارىش ستانساسىنىڭ قاسىندا قالدىرعان. جاعدايدى كەزەكشى پۋلتىنە اداسقانداردىڭ ءبىرى حابارلاسىپ ايتتى» ، - دەدى باسپا ءسوز قىزمەتىنەن.
وقيعا ورنىنا اتتانعان 5 جاساق ساربازى اداسقانداردى بىردەن تاۋىپ الدى. ولاردىڭ ەشقايسىسىنا مەديتسينالىق كومەك قاجەت بولعان جوق.
سول كۇنى جەدەل قۇتقارۋ جاساعى كوكجايلاۋ شاتقالىندا اداسىپ كەتكەن تاعى 3 ايەلدى قۇتقاردى.
«جاياۋ شىققان ايەلدەر قايتار جولدى تابا الماي قالعان. 5 مينۋتتا وقيعا ورنىنا شىققان قۇتقارۋشىلار يتپەن ءىز كەسۋ ارقىلى اداسقان ايەلدەردى تاۋىپ الدى. قۇتقارۋشىلار ولاردى ماشيناعا دەيىن ءدىن امان جەتكىزدى. ولاردىڭ ءبىرى اياعىن قايىرىپ العان ەكەن. جاراقات العان ايەلگە مەديتسينالىق كومەك كورسەتىلدى» ، - دەدى ر ج ق ج قۇتقارۋشىلارى.
قۇتقارۋشىلار تاۋعا شىققاندا بارىنشا اباي بولۋدى ەسكەرتەدى.
«جاقىندارىڭىزعا مارشرۋتىڭىزدى حابارلاپ كەتىڭىز. سونىمەن قاتار، وزىڭىزبەن بىرگە GPS- ناۆيگاتورى بار بايلانىس قۇرالىن الا جۇرگەن ءجون. وسى ەكى جاعدايدا دا تۋريستەر حابارلاسۋ مۇمكىندىگىنىڭ ارقاسىندا امان قالدى» ، - دەدى رەسپۋبليكالىق جەدەل قۇتقارۋ جاساعىنىڭ ماماندارى.
