سەنىمدى ءارى ادەمى سويلەۋدىڭ 8 ەرەجەسى

تونيدىڭ ايتۋى بويىنشا، سەنىمسىزدىك پەن سەنىمدىلىكتىڭ اراسىنداعى ايىرماشىلىق - ارەكەت ەتۋ مەن ارەكەتسىزدىك اراسىنداعى بايلانىس سەكىلدى. ەندەشە، سەنىمدى بولىپ، ءسىزدى تىڭدايتىنداي دارەجەدە ءتىل قاتۋدىڭ ماڭىزدىلىعى نەدە ەكەنىن كورەلىك.

شەشەندىك ونەردىڭ 8 قۇپياسى

1. ادامدارمەن اڭگىمە-دۇكەن قۇرىپ ۇيرەنىڭىز.

ءسىزدىڭ يدەيالارىڭىز بەن پىكىرىڭىزدى وزگەلەر ءار ۋاقىتتا دا قابىلداي بەرمەۋى مۇمكىن. ءبىراق، مۇنىڭ قاراپايىم دانەڭەسى دە جوق. ولاردى اشىق ايتىڭىز، ءوز پىكىرىڭىزدى ءبىلدىرىڭىز! بۇل الداعى ۋاقىتتا سىزگە باتىلدىق بەرەدى.

2. داۋىستاپ سويلەۋگە يمەنبەڭىز.

ەگەر ءسىز اقىرىن سويلەيتىن بولساڭىز، وندا توڭىرەگىڭىزدەگى ادامدار نە ايتىپ وتىرعانىڭىزدى ەستىمەك تۇگىلى، ايتار سوزىڭىزگە سەنىمسىزدىڭىزگە بايلانىستى سىزگە سەنىممەن قاراي المايدى.

3. اڭگىمەلەسۋ بارىسىندا كورەرمەن بايلانىسىن ورناتىڭىز.

ءبىر جاعىنان بۇل سىپايىلىقتى دا تالاپ ەتەدى. سونىمەن قاتار كورەرمەن بايلانىسى توڭىرەگىڭىزدەگىلەردىڭ ءسىزدىڭ ايتار ويىڭىزعا تىڭعىلىقتى ءارى ويلانىپ تىڭداۋعا تۇرتكى بولادى.

4. كۇن سايىن ءوزىڭىزدى ماقتاڭىز.

وسىلايشا، ءسىز وزىڭىزگە دەگەن سەنىم دەڭگەيىن ارتتىرا تۇسەسىز. ال بۇل ءسىز سويلەگەن كەزدە وتە ماڭىزدى. سەبەبى بۇل سىزگە سەنىمدىلىك بەرەدى. ادام وزىنە سەنىمدى بولعان سايىن قورشاعان ادامدار دا ونى بارىنشا بايىپپەن قابىلدايدى.

5. قاتەلىك جىبەرسەڭىز، اشۋلانباڭىز.

ادامدار بوي الدىراتىن قاتەلىك - بۇل جاڭالىق ەمەس. قاتەلەسپەيتىن ادام جوق. ەگەر ادام قاتەلەسىپ كەتسە، بۇل قالىپتى جاعداي. تەك سابىرلىق ساقتاپ، ءسوزىڭىزدى ءارى قاراي باتىل ساباقتاي بەرىڭىز.

6. قايتا، قايتا تالپىنىڭىز.

ۇيالشاق ادام ءۇشىن باستاپقى كەزدە بۇل وتە قيىندىق تۋدىرۋى مۇمكىن. دەگەنمەن، ءسىز قالاي بولعاندا دا، ويلارىڭىزدى ىشتە ساقتاپ قالماي ايتۋعا ماجبۇرلەنۋگە ءتيىسسىز. ەگەر سىزدە قانداي دا ءبىر وي بولسا، وندا ونى وزگە ادامدارمەن بولىسۋگە تىرىسىڭىز. ولاردىڭ باسىڭىزدى ساقتاۋدىڭ ەش قاجەتى جوق.

7. وزىڭىزگە دەگەن سەنىمدىلىك قالىپتاسقاننان كەيىن تالاپ ەتىلەتىن تاقىرىپقا قاتىستى ءبىلىمىڭىزدىڭ جەتكىلىكتى ەكەندىگىنە كوز جەتكىزۋگە تىرىسىڭىز. سودان كەيىن اڭگىمەلەسۋدىڭ ءتۇرلى ءتيىمدى تاسىلدەرىن پايدالا وتىرىپ، ءوز ءبىلىمىڭىزدى اۋديتوريامەن ءبولىسىڭىز.

8. سەنىمدىلىك پەن وركوكىرەكتىك اراسىنداعى نازىك شەكتى ەستە ساقتاڭىز.

تىم سەنىمدى كورىنۋگە تىرىسپاڭىز. سەبەبى توڭىرەگىڭىزدەگى ادامدار ءسىزدى وركوكىرەك ءارى يدەيالارىن وزگەلەردەن جوعارى سانايتىن استامشىل ادام دەپ ويلاپ قالۋى مۇمكىن.

دەرەككوز: https://econet.ru