الماتى وبلىسىندا 8 ادام ىستان ۋلانىپ، كوز جۇمدى

تالدىقورعان. قازاقپارات - الماتى وبلىسىندا جىلىتۋ ماۋسىمى باستالعالى 8 ادام ىستان ۋلانىپ، كوز جۇمعان.

تاعى 11 ادام پەشتەن شىعاتىن ۋلى گازدان زارداپ شەككەن. ونىڭ تەڭ جارتىسى بالالار، دەپ حابارلايدى قازاقپارات ءتىلشىسى.

بىلتىرعى جىلدىڭ ءدال وسى كەزەڭىمەن سالىستىرعاندا مۇنداي دەرەكتەر 4 ەسە وسكەن. بۇل كورسەتكىشتەر توتەنشە جاعدايلار دەپارتامەنتىنىڭ ماماندارىن الاڭداتىپ وتىر. سوندىقتان سالا ماماندارى اقپان ايىن قاۋىپسىزدىك شارالارىن ءتۇسىندىرۋ ايلىعى بولىپ بەلگىلەپ رەيدتەرگە شىعا باستادى. ال قايعىلى جاعدايلار كوبىنە پەشتىڭ دۇرىس سالىنباۋىنان جانە ۋاقتىلى تازالاماۋدان بولادى، دەيدى الماتى وبلىستىق ت ج د باس مامانى تولقىن قاتىشەۆا. توتەنشەلىكتەر قالا ىرگەسىندەگى اۋىلدار مەن ساياجاي اۋماقتارىن ارالاپ، ءۇنپاراقتار تاراتىپ ءجۇر. سونداي-اق مەكتەپتەردە اتا-انالار جينالىسىن وتكىزىپ، تۇرعىنداردان ءورت قاۋىپسىزدىگى ەرەجەلەرىن قاتاڭ ساقتاۋدى ەسكەرتۋدە.