شىمكەنتتەگى 8 عاسىرلىق تاريحى بار قورىمنىڭ جايى كوپشىلىكتى الاڭداتادى
«بەكجان» بازارىنىڭ جانىندا ورنالاسقان مازاردىڭ قازىرگى جاعدايىنا وسى ماڭداعى تۇرعىنداردى الاڭداتىپ وتىر، دەپ حابارلايدى قازاقپارات ح ا ا ءتىلشىسى. ەسكى قورىمنىڭ شىراقشىسى ءابدىراحىم يۋلداشەۆتىڭ سوزىنە قاراعاندا، ساۋداگەرلەر بازارعا باراتىن جولدى قىسقارتىپ، مازاردىڭ قاقپاسىن اشىپ العان.
«بازار ساتۋشىلارى بەيىتتەردىڭ جانىنان ءجۇرىپ ءوتىپ، مارقۇمدار جاتقان جەردى باسىپ وتۋدە. ول ازداي وسى جەردى جاعالاي ادەپسىز ارەكەتتەر جاسايدى. جاستار قۇشاقتاسىپ تۇرادى. اراق-شاراپتىڭ بوتەلكەلەرىن، قوقىستارىن تاستاپ كەتەدى. ولارعا قانشا ايتساڭ دا تىڭدامايدى. ادامدار ءارۋاقتاردى سىيلاۋدان قالدى»، - دەيدى شىراقشى.
ونىڭ ءسوزىن جەرگىلىكتى تۇرعىندار دا، مەشىتتىڭ يمامى دا راستاپ وتىر. 800 جىلدىق تاريحى بار قورىم تاريحي ماڭىزعا يە. وندا كەزىندە ءامىر-تەمىردىڭ كەزىندە ساربازدار جەرلەنگەن ەكەن. جەرگىلىكتى حالىق ماسەلەنى كوتەرىپ، اباي اۋدانىنىڭ اكىمدىگىنە ءوتىنىش ءتۇسىرىپتى. ودان ناتيجە شىقپاسا قالا، وبلىس اكىمىنە شاعىمدانامىز دەپ بەكىنىپ وتىر.
اۆتور: اينۇر اقبايەۆا
