ايفون 8 سمارتفونىنىڭ جاڭا سۋرەتتەرى پايدا بولدى - فوتو

iPhone 8 ۇلكەن ەكراندى، سىمسىز قۋات كوزىمەن جانە قوس كامەراسىمەن ەرەكشەلەنەتىن بولادى. YouTube حوستينگىندەگى EverythingApplePro ارناسى مەن Nodus چەحولدارىن وندىرەتىن كومپانيا وكىلدەرى جاڭا سمارتفون جايلى تولىعىراق ايتىپ بەردى، - دەپ جازادى "ۆەدوموستي" باسىلىمى.

Nodus كومپانياسىنىڭ نەگىزىن قالاۋشىلاردىڭ ءبىرى دجەك سپەنسەر iPhone 8 سمارتفونىنىڭ تەحنيكالىق پارامەترلەرىمەن جۇمىس ىستەپ جاتقانىن ايتقان بولاتىن. كومپانيا وكىلدەرىنىڭ ايتۋىنشا، ولار iPhone 8 سمارتفونىنا ارنايى جاڭا چەحولداردى شىعارىپ جاتىر.

YouTube حوستينگىندەگى EverythingApplePro ارناسىنىڭ مالىمەتىنشە، جاڭا iPhone 8 سمارتفونىنىڭ ديسپلەيى - 5,8 ديۋيم بولادى جانە وندا "Home" باتىرماسى بولمايدى، تەك touch ID فۋنكسياسى جۇمىس ىستەيدى.

وسىعان دەيىن Apple كومپانياسىنىڭ ينجەنەرلەرى كەلەسى جىلى Apple-دە "Home" باتىرماسى بولمايتىنىن ايتقان ەدى. ايتا كەتەيىك، ول باتىرما 2007 -جىلدان بەرى بارلىق iPhone سمارتفوندارىندا بولعان ەدى. سونداي-اق، iPhone 8 سمارتفونى iPhone 6s پەن iPhone 7 سمارتفوندارىنان وزگەشە بولاتىنى ايتىلعان ەدى. وسىلايشا ينجەنەرلەر الداعى سمارتفوننىڭ ديسپلەيىن ەشبىر جاقتاۋسىز شىعارماق. مامانداردىڭ ايتۋىنشا، iPhone 8 كامەراسىنىڭ ساپاسى جاقساراتىنى ايتىلادى.