قازاقستاندىق اۋىر اتلەتتى 8 جىلعا شەتتەتتى
IWF تارتىپتىك- باقىلاۋ كوميتەتىنىڭ شەشىمى بويىنشا سۆەتلانا پودوبەدوۆا 8 جىلعا سپورتتان شەتتەتىلدى. ال مايا مانەزا مەن زۋلفيا چينشانلو 2 جىل جارىستارعا قاتىسپايتىن بولادى. بۇل شەشىم سپورتشىلاردىڭ قانىنان دوپينگتىڭ بار ەكەنى انىقتالعاننان كۇننەن باستاپ ەسەپتەلەدى. مۇنى ەسكەرەتىن بولساق، مايا مانەزا مەن زۋلفيا چينشانلو 2018 -جىلدىڭ ماۋسىم ايىنان باستاپ جارىستارعا قاتىسا بەرۋىنە مۇمكىندىكتەرى بار. ال سۆەتلانانىڭ 7 جىلدان كەيىن سپورتقا ورالىپ، جارىستارعا قاتىسۋى ەكىتالاي.
سپورتشىلار جارىستاردان شەتتەتىلىپ قانا قويماي، وسىعان دەيىنگى رەكوردتارى مەن چەمپيوندىق اتاقتارىن كەرى قايتارادى.
ايتا كەتەيىك، وسىعان دەيىن قازاقستان اۋىر اتلەتيكا قاۋىمداستىعىنىڭ قولداۋىمەن قۇرىلعان قورعاۋشىلار مەن زەرتتەۋشى ماماندار توبى قازاقستاندىق سپورتشىلاردىڭ دوپينگ سىنامالارىن قايتا قاراپ، زەرتتەۋدىڭ بارلىق كەزەڭىندە سپورتشىلاردى قولداۋ ماقساتىندا ءوز ناتيجەلەرىن ۇسىنعان بولاتىن.
