ايفون-8 قاشان شىعاتىنى بەلگىلى بولدى

استانا. قازاقپارات - iPhone 8 سمارتفونى بيىل قىركۇيەك ايىندا تانىستىرىلادى، الايدا ساراپشى برايان ۋايت ونىڭ ساتىلىمعا كەيىن شىعاتىنىن ايتادى، - دەپ حابارلايدى "ۆەستي Hi-Tech" MacRumors باسىلىمىنا سىلتەمە جاساپ.

باسىلىمنىڭ مالىمەتىنشە، جاڭا سمارتفونداردىڭ ساتىلىمعا كەيىنىرەك شىعۋىنا قولدانۋشىلاردىڭ بەت كەلپەتىن تاني الاتىن 3D- كامەرا تەحنولوگياسىنىڭ كەيبىر قيىندىقتارى سەبەپ بولىپ تۇر. ساراپشىنىڭ ايتۋىنشا، 5,8 ديۋيم iPhone سمارتفوندارىنا، سونداي-اق، 4,7 جانە 5,5 ديۋيم iPhone مودەلدەرىنە الدىن الا تاپسىرىستى قىركۇيەك ايىنان باستاپ بەرۋگە بولادى.

وسىلايشا، جاڭا Apple سمارتفوندارى قىركۇيەك- قازان ايلارىندا شىعادى دەپ كۇتىلەدى. ايتا كەتەيىك، جاڭا iPhone OLED- ەكرانمەن، شىنىدان جاسالعان كورپۋسىمەن، سىمسىز توق كوزىمەن جانە قولدانۋشىنىڭ بەت كەلبەتىن تاني الاتىن 3D- كامەرامەن ەرەكشەلەنەدى.

ەسكە سالا كەتەيىك، وسىعان دەيىن Apple وكىلدەرىنىڭ وسىدان ون جىل بۇرىن شىققان سمارتفوننىڭ ەڭ ءبىرىنشى مودەلىنىڭ ديزاينىن قايتارماقشى ەكەنى ايتىلعان بولاتىن.