ءۇش جىلدا قازاق تىلىندە 8 مىڭ جاڭا تەرمين بەكىتىلگەن
بۇل تۋرالى ق ر ۇكىمەتى وتىرىسىنىڭ قورىتىندىسى بويىنشا وتكەن باسپا ءسوز كونفەرەنسياسىندا ق ر مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق- ساياسي جۇمىس كوميتەتى ءتوراعاسىنىڭ ورىنباسارى عالىمجان مەلدەشەۆ ءمالىم ەتتى، دەپ حابارلادى primeminister.kz.
2016 -جىلى termincom.kz ءبىرىڭعاي ەلەكتروندىق تەرمينولوگيالىق بازاسى ىسكە قوسىلدى. مەملەكەت باسشىسىنىڭ تاپسىرماسىنا سايكەس، تەرمينولوگيا كوميسسياسى كوپتەگەن تەرميندەردى قاراستىردى. كەيبىرەۋلەرى قوعامدا كەلىسپەۋشىلىكتەر تۋدىرادى. مىسالعا، فونتان، پيانينو، فورتەپيانو، بالكون سوزدەرى اۋىزەكى تىلدە «شاپتىرما»، «بۇرقاق»، «سۋ بۇرقاق»، «كۇي ساندىق»، «قىلتيما» رەتىندە قولدانىلادى.
«ءبىز ولاردى بەكىتكەن جوقپىز. سوندىقتان دا اۋدارمالارىن ەمەس، حالىقارالىق اتاۋلارىن پايدالانعان ءجون. كەزىندە بىرەۋ وسى سوزدەردى اۋدارعان، ءسويتىپ ول سوزدەر قوعامدا ورنىعىپ قالعان»، - دەدى ع. مەلدەشەۆ.
سونداي-اق، ول رەسپۋبليكالىق تەرمينولوگيالىق كوميسسيا مەن مەترولوگيا جانە ستاندارتتاۋ جونىندەگى ۇلتتىق كوميتەتكە بىرلەسىپ، بارلىق تەرميندەردى ءبىر ستاندارتقا كەلتىرۋ جۇمىستارىن اتقارۋى كەرەكتىگىن ايتىپ ءوتتى.
«ولاردىڭ ىشىندە اسسيميلياتسياعا ۇشىراعان سوزدەر بار، مىسالعا، ساموۆار - ساماۋىر، پوەزد - پويىز. ەگەر بارلىق تىلدەردەن، اسىرەسە باتىستان ەنىپ جاتقان سوزدەردى اۋدارماي قالدىرا بەرەتىن بولساق، بىرنەشە جىلدان كەيىن ۇلكەن ماسەلەگە ۇرىنارىمىز ءسوزسىز. ءبىز قازاقتاردىڭ مىنەزىنە، دىلىنە، قابىلداۋ تۇسىنىگىنە قاراماستان، سوزدەردى شاما كەلگەنشە اۋدارۋىمىز كەرەك. ماسەلەن، اۆاريا ءسوزىن ءبىز «اپات» دەپ اۋدارىپ ءجۇرمىز. اۆاريا - زاقىم كەلتىرۋ دەگەندى بىلدىرەتىن اراب ءسوزى. سول سەبەپتى ءبىز ءار كەز سايىن ءسوزدىڭ ءتۇپ- توركىنىنە ءمان بەرىپ، ماعىناسىنا ساي اۋدارما جاساۋىمىز كەرەك»، - دەدى ع. مەلدەشيەۆ.
ونىڭ ويىن تىلدەردى دامىتۋدىڭ رەسپۋبليكالىق ۇيلەستىرۋ- ادىستەمەلىك ورتالىعىنىڭ ديرەكتورى ەربول تىلەشەۆ تولىقتىرىپ ءوتتى.
«قازاقستاننىڭ تەرمينولوگيالىق قورى مەملەكەتتىك ءتىل تىرشىلىك ارەكەتىنىڭ بارلىق سالاسىندا بەلسەندى تۇردە قولدانىستا بولۋى ءۇشىن ۇلعايتىلۋى كەرەك. قىتايدىڭ ءار سالاسىندا شامامەن 50 مىڭ تەرمينى بار. قازاقستاندا تەرمينولوگيالىق عىلىم جەتكىلىكتى تۇردە دامىعان جانە وزگە ەلدەردەن ارتتا قالۋشىلىق بايقالمايدى. ۇلى ءارى دارىندى احمەت بايتۇرسىنوۆتىڭ بۇل ءىستىڭ باستاۋىندا تۇرعانىنىڭ ءوزى اتالعان جۇمىستىڭ كەلەشەگىنىڭ زور ەكەنىن بولجايدى. سونىمەن قوسا، قازاق ءتىلى وتە باي ءتىل»، - دەدى ە. تىلەشەۆ.
2017 -جىلى termincom.kz سايتىن جەتىلدىرۋ جوسپاردا بار، سوزدەردىڭ ەتيمولوگياسى ەنگىزىلەدى، ال ەندىگى تەرميندەردى بەكىتۋ كەزىندە حالىقارالىق تاجىريبەگە سۇيەنەتىن بولادى.
Baq.kz
