كايردە تابىلعان 8 مەترلىك ءمۇسىن پەرعاۋىن رامزەس بولماي شىقتى

استانا. قازاقپارات - عالىمدار تاياۋدا كايردە تابىلعان 8 مەترلىك ءمۇسىن پەرعاۋىن رامزەس II ەمەس، جاڭا داۋىرگە دەيىن VII عاسىردا باسقارۋشى بولعان ەجەلگى اۋلەتتەن شىققان پساممەتيحا I بولۋى مۇمكىن ەكەنىن انىقتادى.

بۇل تۋرالى بەيسەنبىدە مىسىر استاناسىندا باسپا ءسوز ءماسليحاتىندا حابارلادى.

ءمۇسىن كۇن شىركەۋى ورنالاسقان ورىننان تابىلدى.

«ءمۇسىننىڭ كولەمى ەجەلگى مىسىردىق شىركەۋ مولشەرىن كورسەتەدى. ءمۇسىن 8 مەتر بولسا، وندا شىركەۋ قاقپاسى كەم دەگەندە ون بەس مەتر. بۇل وسى ورىندا ۇلكەن باس شىركەۋ بولعانىن بىلدىرەدى»، - دەدى ال- ماتاريا كونە زاتتاردى زەرتتەۋ دەپارتامەنتىنىڭ ديرەكتورى حالەد ابۋ الەلا.

مىسىر جانە نەمىس ارحەولوگتارى كوپ جىلدان بەرى سول جەردە بىرلەسكەن قازبا جۇمىستارىن جۇرگىزۋدە. بۇل جەردەن رامزەس II كوپتەگەن بەينەلەرى تابىلعان. سوندىقتان دا باستاپقىدا ءمۇسىندى وسى پەرعاۋىن دەپ بولجاعان.

بولاشاقتا جادىگەر 2018 -جىلى اشىلاتىن ۇلكەن مىسىر مۇراجايىنىڭ ۇلى پيراميداسىنا جەتكىزىلەدى.