17:23, 31 - قاڭتار 2017 | GMT +6
ساعاديەۆ بيىل 8 مىڭ ۇستازعا اعىلشىن ءتىلىن ۇيرەتەدى
استانا. قازاقپارات - قازاقستان رەسپۋبليكاسىنىڭ پرەزيدەنتى ن. ءا. نازاربايەۆ حالىققا ارناعان جولداۋىندا 2019 - جىلدان باستاپ 10-11 -سىنىپتاردا كەيبىر پاندەردى اعىلشىن تىلىندە وقىتامىز دەگەن بولاتىن.
مەملەكەت باسشىسى «بۇل ماسەلەنى تياناقتى ويلانىپ، اقىلمەن شەشۋ قاجەت» دەدى. ءبىلىم جانە عىلىم ءمينيسترى ەرلان ساعاديەۆ ۇكىمەت وتىرىسىنان كەيىن قازاقپارات ءتىلشىسىنىڭ وسى ماسەلەگە قاتىستى سۇراعىنا جاۋاپ بەردى.
«بۇل ماسەلەنى بەس جىلدان بەرى تالقىلاپ كەلەمىز. بيىل سەگىز مىڭ مۇعالىم اعىلشىن ءتىلىنىڭ كۋرسىنا بارادى. سوسىن، ناتيجەسىن كورىپ ءبىر شەشىمگە كەلەمىز. اعىلشىن تىلىنە كەزەڭ كەزەڭمەن كوشۋ كەرەك. ءبىراق، الدىمىزدا ەكى جىل بار، ەكى جىلدى ىشىندە زەرتتەۋ جاساپ، مۇعالىمدەرمەن سويلەسەمىز»، - دەدى ساعاديەۆ.
اۆتور: كەنجەكەي توقتامۇرات قىزى
