ايفون-8 ءوز يەسىنىڭ ءتۇرىن تانيتىن بولادى

استانا. قازاقپارات - iPhone 8 ءوز يەسىنىڭ ءتۇرىن سكانەرلەۋ ارقىلى تۇرىنەن تانيتىن بولادى. بۇل اقپاراتتى Daily Mail باسىلىمى تاراتتى.

رەداكتورلارىنىڭ ايتۋىنشا، ولار Apple ونىمدەرىنە تىكەلەي بايلانىسى بار Cowen and Company كومپانياسىنىڭ سەنىمدى دەرەكتەرىنە سۇيەنىپ وتىر.

Phone 8 ادام تۇرىنەن وزگە، ونىڭ قيمىلدارىن دا تاني الادى. ول ءۇشىن جاڭا سمارتفوننىڭ الدىڭعى كامەراسىنىڭ تۇسىنا لازەرلى جانە ينفراقىزىل تەتىكتەر ورنالاستىرىلعان.

ودان باسقا كەلەسى بۋىن «سىمسىز قۋاتتالاتىن جانە ەكرانى يىلەتىن بولادى» دەگەن دە سىبىستار بار. الايدا، سمارتفوننىڭ ءوزى قاشان شىعارىلاتىنى بەلگىسىز.

 

دەرەككوز: szh.kz