ايەلدەر الەمىنە بارعان ءۇش جىگىت تۋرالى كومەديا 8 -ناۋرىز قارساڭىندا ەكرانعا شىعادى - فوتو، كەسكىن

استانا. قازاقپارات - استانادا رەجيسسەر ۆيكتور بورموتوۆتىڭ «ۆسە يز- زا مۋجيكوۆ» كومەديالىق فيلمىنىڭ ءتۇسىرىلىمى اياقتالۋعا جاقىن، وندا ءۇش جىگىت تەك ايەلدەر تۇراتىن الەمگە تاپ بولادى.
None
None

فيلم ۇلكەن ەكرانعا 2 -ناۋرىزدا جول تارتادى، دەپ حابارلايدى قازاقپارات.

«ءبىزدىڭ باستاپقى ويىمىز دا 8 -ناۋرىز، ايەلدەر مەرەكەسىنە كومەديالىق تۋىندى جاساپ شىعارۋ بولعان. وقيعا جەلىسىن دە جەڭىل، كوڭىلدى جاساعىمىز كەلدى، سوندىقتان مەنىڭشە، بۇل تۋىندى ايەلدەردىڭ مەرەكەلىك كوڭىل-كۇيىن كوتەرەدى دەپ سانايمىن. جاقىندا پروكات يەلەرىمەن ەكرانعا شىعاتىن مەرزىمىن دە انىقتاپ الدىق - ول 2 -ناۋرىز»، - دەپ اتاپ ءوتتى فيلمنىڭ پروديۋسەرى الەكساندر سۋسلوۆ قازاقپارات تىلشىسىنە تەلەفون ارقىلى بەرگەن سۇحباتىندا.

Әйелдер әлеміне түскен үш жігіт туралы комедия 8 наурыз қарсаңында экранға шығады 

كارتينا كەيىپكەرلەرى ايەل الەمىندە بولىپ قايتادى. ولاردى مۇندا توبەلەرىنە كوتەرىپ، اسا قاستەرلەيدى. باستاپقىدا بۇل ولارعا جۇماق ورنى سەكىلدەنەدى، الايدا بارلىعى ولار ويلاعانداي كەرەمەت ەمەس ەكەن. جىگىتتەر قىزداردىڭ اراسىندا سۇلتان بولعىلارى كەلەدى مە، الدە بۇرىنعى ومىرلەرىنە قايتا اڭساۋعا كوشەدى مە!؟

فيلم اۆتورلارى كومەديا وتە كۇلكىلى بولادى دەپ سەندىرۋدە. سيۋجەتتە كورەرمەندەر ءۇشىن توسىن وقيعالار ورىن الادى. كينولەنتا بويىنشا ءبىر اي بويى، كۇنىنە 12 ساعات، 50 ادامنان قۇرالاتىن ءتۇسىرۋ توبى ەڭبەك ەتتى. پروديۋسەر الەكساندر سۋسلوۆتىڭ ايتۋىنشا، ءتۇسىرۋ كەزىندە كينوكوماندا كادرعا بىردە-ءبىر ەر كىسىنىڭ بەينەسى ەنىپ كەتپەۋىن قاداعالاپ وتىرعان.

 Әйелдер әлеміне түскен үш жігіт туралы комедия 8 наурыз қарсаңында экранға шығады

ءتىپتى ولارعا استانانى ازداپ «وزگەرتۋگە» تۋرا كەلگەن. دەگەنمەن ءتۇسىرۋ وتە قيىن بولدى، اسىرەسە كوشەدە ءجۇرىپ بارا جاتقان كەزدەر ەرەكشە اۋىر ءتۇسىپتى. كادردا ەر كىسىلەر بولماۋى ءۇشىن جولداردى جابۋ كەرەك بولعان. قىزدار الەمىن ەرەكشە جارىق ەتىپ كورسەتۋ ءۇشىن كەيبىر كولىكتەردى سارى، جاسىل، قىزعىلت تۇسكە بوياۋعا دەيىن بارعان. ونىڭ سوزىنە قاراعاندا، فيلمگە تۇسەتىن اكتەرلەر ءجىتى ىرىكتەۋدەن وتكەن.

ناتيجەسىندە فيلمگە مۇرات بيسەنبين («رەكەتير»)، تاۋەكەل ءمۇسىلىم («ماحابباتىم جۇرەگىمدە»)، ءجانيا دجۋرينسكايا («ۆۋزەرى»)، دانيار الشىنوۆ («نيچەگو ليچنوگو»)، سايا ورازعاليەۆا («ۆۋزەرى»)، اسەل اكباروۆا («زاۋال»)، تەمىرحان اسىلبەك تاڭدالىپ الىنعان.

بۇنىڭ الدىندا، ءتۇسىرىلىم بارىسىن قازاقپارات ءتىلشىسى بارىپ كورىپ قايتقان بولاتىن. ارنايى رەپورتاجدى مىنا سىلتەمەدەن وقي الاسىزدار.

اۆتور: جاسۇلان جولدىبايەۆ

سوڭعى جاڭالىقتار