10:24, 01 - تامىز 2016 | GMT +5
تۇركيادا ەردوعاننىڭ مارماريستەگى قوناق ۇيىنە شابۋىل جاساعان 8 اسكەري ۇستالدى
استانا. قازاقپارات - تۇركياداعى مەملەكەتتىك توڭكەرىس جاساۋ ارەكەتىندە تۇركيا پرەزيدەنتى تايىپ ەردوعان مارماريستە توقتاعان قوناق ۇيگە شابۋىل جاساعان سەگىز اسكەري قىزمەتكەر ەلدىڭ وڭتۇستىك- باتىسىندا ۇستالدى،
دەپ حابارلايدى ر ي ا نوۆوستي.
مارماريستەگى ەردوعان توقتاعان قوناق ۇيگە شابۋىل جاساۋعا قاتىسى بار دەپ كۇدىكتەلگەن جەتى اسكەري قىزمەتكەر تۇركيانىڭ وڭتۇستىك- باتىسىنداعى مۋگلا پروۆينتسياسىندا ۇستالدى.
ءمارماريس اۋدانىندا جۇگەرى القابىنان كۇدىكتى ادامداردى بايقاعان جەرگىلىكتى تۇرعىنداردىڭ دابىلىمەن تاعى دا ءبىرقاتار شابۋىلشىلار قولعا ءتۇستى.
16 - شىلدەگە قاراعان ءتۇنى بۇلىكشىلەر توبى تۇركيادا مەملەكەتتىك توڭكەرىس جاساۋعا ارەكەتتەندى. سوڭعى دەرەكتەرگە سايكەس، قارسىلىقتار ناتيجەسىندە ىستامبۇل مەن انكارادا بۇلىكشىلەردى قوسپاعاندا، 246 تۇرىك ازاماتى كوز جۇمدى، 2 مىڭنان استام ادام جاراقات الدى.
