20:39, 18 - شىلدە 2016 | GMT +5
الماتى كلينيكالارىنا اتىس سالدارىنان جاپا شەككەن 8 ادام جەتكىزىلدى
استانا. قازاقپارات - الماتى قالاسىنىڭ دەنساۋلىق ساقتاۋ باسقارماسىنىڭ اقپاراتىنشا، كەشكى ساعات 17:00 جاعداي بويىنشا قالانىڭ مەديتسينالىق ۇيىمدارىندا بۇگىن تاڭەرتەڭ بولعان اتىس سالدارىنان جاپا شەككەن 8 ادام جاتىر.
جەدەل جاردەم اۋرۋحاناسىنا 5 ادام، ورتالىق قالالىق كلينيكالىق اۋرۋحاناعا - 2، ا. ن. سىزعانوۆ اتىنداعى ۇلتتىق حيرۋرگيا ورتالىعىنا 1 ادام جاتقىزىلدى، دەپ حابارلادى ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ سايتىنان.
ناۋقاستاردىڭ جاعدايى اۋىر. ولارعا ءتيىستى مەديتسينالىق كومەك كورسەتىلىپ جاتىر. كلينيكالار دارىلىك زاتتاردىڭ قورى جەتكىلىكتى. رەسپۋبليكالىق سانيتارلىق اۆياتسيا ورتالىعى كەز كەلگەن جاعدايعا دايىن.
