قىتايدا بوگەت جارىلىپ، 8 مىڭنان استام ادام كوشىرىلدى

استانا. قازاقپارات - قىتايدىڭ حۋبي پروۆينسياسىندا بوگەت جارىلدى.

زارداپ شەككەن اۋداننان 8,4 مىڭنان استام ادام كوشىرىلدى، دەپ ر ي ا نوۆوستي شينحۋا اگەنتتىگىنە سىلتەمە جاساپ حابارلايدى.

وقيعا جەكسەنبى كۇنى حۋانمي ۋەزىندە ورىن العان. بوگەتتە ەنى 70 مەترگە جۋىق ساڭىلاۋ پايدا بولعان.

بوگەتتى رەتكە كەلتىرۋ ءۇشىن وقيعا ورنىنا 700 سارباز جانە 200 جيىنتىق ارنايى قۇرال-جابدىق جىبەرىلدى. ودان بولەك، 2,5 مىڭنان استام اسكەري قىزمەتكەر مەن جەرگىلىكتى حالىق جارىلۋدىڭ الدىن الۋ ءۇشىن اۋدانداعى ەكىنشى بوگەتتى جوندەۋگە جىبەرىلدى.

سوڭعى بىرنەشە اپتادا قىتايداعى سۋ تاسقىندارىنان 237 ادام كوز جۇمدى.