ۇلتتىق بانكتىڭ جىلدىق اقشانىڭ قۇنسىزدانۋداعى بولجام 8 پايىز دەڭگەيىندە - د. اقىشەۆ

استانا. قازاقپارات - سوڭعى ايلاردا ايلىق ينفلياتسيا ادەتتەگى ءۇردىس شەڭبەرىندە.

2016 -جىلعى 4 ايدا ينفلياتسيا %3,6 دى قۇرادى (جىلدىق مولشەردە - %16,3).

بۇل جونىندە ق ر ۇلتتىق بانكىنىڭ ءتوراعاسى دانيار اقىشەۆ استانا ەكونوميكالىق فورۋمىنىڭ جۇمىسى بارىسىندا بۇقارالىق اقپارات قۇرالدارىنىڭ وكىلدەرىنە حابارلادى.

د. اقىشەۆ اتاپ وتكەندەي، ينفلياتسيا جىلدىق مولشەردە 2016 -جىلعى ساۋىردە %16,3 دەڭگەيىندە قالىپتاسقان (2015 -جىلعى جەلتوقساندا - %13,6). بۇل رەتتە، ونىڭ ايتۋىنشا، ازىق- تۇلىك تاۋارلارىنىڭ باعاسى %13,1 عا (%10,9 عا)، ازىق- تۇلىككە جاتپايتىن

تاۋارلار %27,3 عا (%22,6 عا) ءوستى. اقىلى قىزمەتتەر ءبىر جىل ىشىندە %9,7 عا (%8,1 عا) قىمباتتادى.

«ۇلتتىق بانكتىڭ جىلدىق ينفلياتسيا بويىنشا 2016 -جىلدىڭ سوڭىنا ارنالعان بولجامى بۇرىنعىداي قالىپ وتىر. ينفلياتسيا جىل سوڭىندا باياۋلاپ، %6-8 نىسانالى ءدالىزىنىڭ جوعارى شەگىنە جاقىن قالىپتاسادى. ءبىزدىڭ باعالاۋىمىز ايىرباستاۋ باعامىن ينفلياتسياعا اۋىستىرۋ اسەرىنىڭ بۇگىنگى كۇنى ءىس جۇزىندە سارقىلعاندىعىنا نەگىزدەلگەن»، دەپ مالىمدەدى قازاقستان قارجى رەتتەۋشىسىنىڭ باسشىسى.

«ۇلتتىق بانكتىڭ 2016 -جىلعا ارنالعان باستى مىندەتى ينفلياتسيا دەڭگەيىن تۇراقتاندىرۋ جانە ونى بەلگىلەنگەن دالىزگە جەدەل قايتارۋ بولىپ تابىلادى»، - دەپ تۇيىندەدى د. اقىشەۆ.