قازاقستاندا 8 جىل بويى تىركەۋسىز جۇرگەن شەتەلدىك ازامات ۇستالدى

استانا. قازاقپارات - «زاڭسىز كەلۋشى» جەدەل-پروفيلاكتيكالىق ءىس-شاراسى بارىسىندا قاندى اعاش ستانساسىنداعى جەلىلىك پوليتسيا ءبولىمى قىزمەتكەرلەرى قاندى اعاش ستانساسىنىڭ قابىلداپ-تاراتۋ ورنىنداعى ەر ازاماتتىڭ جەكە باسىن انىقتادى.

ول رەسەي فەدەراتسياسى ۋسسۋريسك قالاسىندا تۋعان 44 جاستاعى ازامات بولىپ شىقتى.

تەكسەرۋ بارىسىندا انىقتالعانداي، قۇقىق بۇزۋشى 2008-جىلى «بەينەۋ» باقىلاۋ-وتكىزۋ پۋنكتى ارقىلى قازاقستان رەسپۋبليكاسىنىڭ مەملەكەتتىك شەكاراسىن كەسىپ ءوتىپ، سودان بەرى قازاقستان رەسپۋبليكاسىنىڭ اۋماعىندا تىركەۋسىز جۇرگەن، دەپ حابارلادى كولىكتەگى ءى ءى د باسپا ءسوز قىزمەتى.

اتالعان فاكت ق ر ق ك 392- بابىنىڭ 1- تارماعى بويىنشا (ق ر مەملەكەتتىك شەكاراسىن قاساقانا زاڭسىز كەسىپ ءوتۋ) سوتقا دەيىنگى تەرگەۋدىڭ ءبىرىڭعاي رەسترىندە تىركەلدى.

تەرگەۋ امالدارى جۇرگىزىلۋدە.

ەسكە سالا كەتەيىك، كولىكتەگى ءى ءى د قىزمەت كورسەتۋ اۋماعىندا اعىمداعى جىلعى 16- جانە 20- مامىر ارالىعىندا «زاڭسىز كەلۋشى» ج پ ءى ش وتكىزىلۋدە.