08:34, 13 - مامىر 2016 | GMT +5
ءۇندىستاندا ۇيلەنۋ تويىنداعىلار اپاتقا ۇشىراپ، 8 ادام اجال قۇشتى
استانا. قازاقپارات - ءۇندىستاندا ۇيلەنۋ تويىنا كەلگەن سەگىز ادام جول-كولىك اپاتىنان مەرت بولدى.
كۇيەۋ جىگىت پەن قالىڭدىق وزگە اۆتوموبيلدە بولعاندىقتان زارداپ شەكپەگەن.
ءۇندىستاننىڭ شىعىسىنداعى باتىس بەنگاليا شتاتىندا بولعان جول اپاتىنان توي كورتەجىنە ىلەسكەن كولىكتەگى سەگىز ادام قازا تاۋىپ، 22 سى زارداپ شەكتى، دەپ حابارلايدى ر ي ا نوۆوستي DNA گازەتىنە سىلتەمە جاساپ.
باسىلىمنىڭ دەرەكتەرىنە قاراعاندا، وقىس وقيعا بەيسەنى كۇنى باتىس ميدناپۋر وكرۋگىندە ورىن الدى. پوليتسيانىڭ حابارلاۋىنشا، توي قوناقتارى مىنگەن پيكاپ اعاشقا سوقتىعىسىپ، اۋدارىلعان. التى ادام سول جەردە ءجانتاسىلىم ەتتى، ال ەكەۋى اۋرۋحاناعا اپارا جاتقان جولدا كوز جۇمعان.
