17:16, 01 - مامىر 2016 | GMT +5
ماسكەۋدە قولىنا ءبىر جارىم جاسار بالاسىن ۇستاعان ايەل 8- قاباتتان قۇلاپ كەتتى
استانا. قازاقپارات - ماسكەۋدە 8- قاباتتان اناسى مەن ءسابيى قۇلاعان. سالدارىنان ايەل جەدەل جاردەم كولىگىندە كوز جۇمدى. دارىگەرلەر بالانى ءولىم اۋزىنان امان الىپ قالۋعا تىرىسىپ جاتىر.
وقيعا ماسكەۋدىڭ سولتۇستىك- باتىسىنداعى تۇرعىن ۇيدە ورىن الدى. قولىنا ءبىر جارىم جاستاعى بالاسىن ۇستاعان تاتيانا 8- قاباتتان قۇلاعان.
وقيعا ورنىنا جەدەل جاردەم جەتىپ، اناسى مەن ءسابيىن اۋرۋحاناعا جەتكىزدى.
ايەل جەدەل جاردەم كولىگىندە اجال قۇشتى. دارىگەرلەر بالانى قۇتقارۋ ءۇشىن قولىنان كەلگەنىن جاساۋدا. نارەستەنى ز. ا. باشليايەۆا اتىنداعى بالالارعا ارنالعان قالالىق كلينيكالىق اۋرۋحاناسىنا جەتكىزدى.
تەرگەۋشىلەر وقيعانىڭ ءمان- جايىن انىقتاپ جاتىر، دەپ جاازدى رەسەيلىك ب ا ق.
