سيريالىق 8 جاسار بوسقىننىڭ قابىلەتىنە كوپشىلىك تاڭداي قاقتى

استانا. قازاقپارات - گەرمانيانىڭ باد-گارتسبۋرگ قالاسىنداعى ورتالىق كىتاپحانادا ۇيىمداستىرىلعان سايىستا 8 جاسار سيريالىق بوسقىن ەكىنشى مارتە جەڭىمپاز اتاندى دەپ جازادى muslim.kz.

وقۋشىلار اراسىندا «وقۋ يمپەراتورىن» انىقتاۋعا ارنالعان بۇل سايىس جەرگىلىكتى اكىمشىلىك قولداۋىمەن 10 جىلدان بەرى ۇيىمداستىرىلىپ كەلەدى.

قاتىسۋشىلارعا ءۇش اي بۇرىن 10 كىتاپ بەرىلىپ، سايىس بارىسىندا سول كىتاپتاردىڭ مازمۇنى بويىنشا دايىندالعان سۇراقتارعا جاۋاپ بەرەدى.

8 جاسار احماد حازاني وسىمەن ەكىنشى رەت بۇل سايىستىڭ جەڭىمپازى اتانىپ وتىر. اكەسىنىڭ ايتۋىنشا، نەمىس ءتىلىن مۇلدە بىلمەيتىن احماد وقىپ-جازۋدى قىسقا مەرزىم ىشىندە ۇيرەنىپ العان.