سوڭعى 8 جىلدا تەگەرانعا العاش رەت فرانسيادان جولاۋشىلار ۇشاعى ۇشىپ باردى
بۇل يران مەن الەمدىك دەرجاۆالار اراسىندا قول جەتكىزىلگەن يادرولىق كەلىسىمنىڭ كۇشىنە ەنۋىنەن كەيىن مۇمكىن بولدى، دەپ حابارلادى BBC.
يران مەن فرانسيا اراسىنداعى تىكەلەي رەيستەردىڭ ۇشۋى 2008-جىلى تەگەراننىڭ يادرولىق باعدارلاماسى سالدارىنان ەنگىزىلگەن سانكسيالارعا بايلانىستى دوعارىلدى.
سەگىز جىلدان كەيىن تەگەرانعا ءبىرىنشى رەيسپەن فرانسيانىڭ كولىك ءمينيسترى الەن ۆيدالي مەن 15 فرانسۋز بيزنەسمەنى اتتاندى.
اۋە رەيستەرىن قالىپقا كەلتىرۋ بۇرىن فرانسيادا داۋ تۋدىردى. ويتكەنى Air France بورت سەرىكتەرىن يراندا جەرگىلىكتى زاڭدارعا سايكەس شاشى مەن باسىن جابۋعا شاقىرعان.
ناتيجەسىندە اۆياكومپانيا ورامال تاققىسى كەلمەيتىن ستيۋاردەسسالارعا يرانعا باراتىن رەيستەردەن باس تارتۋعا رۇقسات بەردى.
14- شىلدەدە ۆەنادا يران جانە «التىلىق» (ب ۇ ۇ قاۋىپسىزدىك كەڭەسىنىڭ بەس تۇراقتى مۇشەسى - ا ق ش، فرانسيا، ۇلى بريتانيا، قىتاي جانە رەسەي - جانە گەرمانيا) ەلدەرى يران يادرولىق باعدارلاماسى بويىنشا كەلىسىمگە قول جەتكىزدى. ءسويتىپ، تەگەرانعا قارسى سانكتسيالار الىندى. تەگەران ءوز مەنشىگىندەگى يادرولىق وتىننىڭ %98 باس تارتۋعا كەلىستى.
