10:18, 02 - ءساۋىر 2016 | GMT +5
قىتايدىڭ وڭتۇستىگىندە سۋ تاسقىنى سالدارىنان 8 مىڭ ادام كوشىرىلدى
استانا. قازاقپارات - وڭتۇستىك قىتايلىق گۋاڭدۇڭ پروۆينسياسىندا ەل- نينودا سۋ تاسقىنى سالدارىنان سەگىز مىڭ ادام كوشىرىلدى، بۇل تۋرالى ورتالىق قىتاي تەلەۆيدەنيەسىنە سىلتەمە جاساپ ت ا س س حابارلادى.
بۇدان باسقا، ونىڭ دەرەكتەرى بويىنشا، سۋ تاسقىنى سالدارىنان پروۆينسيادا 150 مىڭ ادام زارداپ شەكتى.
«بيىل ەل- نينو قۇبىلىسىنىڭ ەداۋىر كۇشەيۋى سالدارىنان يانتسزى وزەنىنىڭ ماڭىندا توتەنشە جاعداي تۋىنداۋ قاۋپى جوعارى»، - دەپ مالىمدەدى ق ح ر سۋ شارۋاشىلىعى ءمينيسترىنىڭ ورىنباسارى ليۋ نين. ونىڭ ايتۋىنشا، ەلدىڭ ءبىرقاتار اۋداندارىندا وسى جىلى مامىردا رەكوردتىق جاۋىن- شاشىن مولشەرى كۇتىلۋدە. بۇل كۇشتى سۋ تاسقىنىنا الىپ كەلۋى ىقتيمال.
ەل- نينو تىنىق مۇحيتتىڭ ەكۆاتوريالدىق بولىگىندە تەمپەراتۋرانىڭ جوعارىلاۋىن تۋدىراتىن جىلى اعىندى قامتيدى. تابيعاتتىڭ توسىن مىنەزى جەل باعىتىنا ىقپال ەتەدى. سونداي-اق ءبىر وڭىرلەردە نوسەر جاۋىن جاۋسا، ءبىر جەرلەردە قۇرعاقشىلىق ورىن الىپ جاتادى.
