ءبىر رەت ساتىپ الىپ، ءاردايىم وسىرۋگە بولاتىن 8 كوكونىس - فوتو
كوك پياز
كىشكەنتاي ستاقانعا سۋ قۇيىپ، كوك پيازدى تۇبىمەن سالىپ قويساڭىز، ول قايتا ءوسىپ شىعادى. وسەتىن بولمە جارىق بولۋى كەرەك.
سارىمساق
سارىمساق ساپتاياقتاعى سۋدا جاقسى وسەدى. سارىمساق بۇرشىكتەرىنىڭ ءدامى وتە جاعىمدى، ولاردى سالاتتار مەن سوۋستارعا قوسۋعا بولادى.
بوك-چوي (قىتاي قىرىق قاباتى)
جارىق جاقسى تۇسەتىن بولمەگە وسىمدىكتىڭ تامىرىن سۋعا سالىپ قويىڭىز. ونى سول جەردە 1-2 اپتا بويى ۇستاڭىز، وسىدان كەيىن قىرىق قاباتتى قۇمىراعا وتىرعىزۋعا بولادى. ول سوندا تولىققاندى ءوسىپ-ونەدى.
ءسابىز
ءسابىزدىڭ كەسىلىپ الىنعان باسى سۋدا جاقسى وسەدى. ولار سالاتقا قوسۋعا بولاتىن كوك ءشوپ رەتىندە پايدالانىلادى.
ناسىبايگۇل (بازيليك)
ناسىبايگۇلدىڭ 3-4 سانتيمەتر بولاتىن كىشكەنتاي وسىندىلەرىن كۇن جاقسى تۇسەتىن جەرگە، ستاقان سۋعا سالىپ قويىڭىز. ولار ەكى ەسە بولىپ وسكەندە توپىراققا وتىرعىزۋعا بولادى. ناسىبايگۇل قايتا جايقالىپ، ءوسىپ شىعادى.
بالدىركوك (سەلدەرەي)
بالدىركوكتىڭ ءتۇبىن كەسىپ الىپ، جىلى سۋعا سالىپ، كۇننىڭ كوزىنە قويىپ قويىڭىز. جاپىراقتارى ءتۇبىنىڭ ورتاسىنان وسە باستايدى، كەيىن ونى توپىراققا وتىرعىزۋعا بولادى.
رومەن-سالات
ەگەر وسىمدىكتى جارتىسىنا دەيىن سۋعا باتىرىپ، بىرنەشە كۇن ۇستايتىن بولسا سالات قايتا تىرىلەدى. وسىدان كەيىن جاڭا جاپىراقتار ءوسىپ شىعادى جانە وسىمدىكتى قايتا توپىراققا وتىرعىزۋعا بولادى.
كۇنزە (كينزا)
كۇنزە سۋدا جاقسى وسەدى. ونى توپىراققا وتىرعىزعان سوڭ، حوش ءيىستى وسكىن جايىلىپ ءوسىپ شىعادى.
