بەيجىڭنەن جەتكەن سالەم: قازاقستاندىق كەدەن پولكوۆنيگى س. نۇرعاليەۆا ايەلدەردى 8- ناۋرىز مەرەكەسىمەن قۇتتىقتادى
«قىمباتتى، اياۋلى ايەلدەر! سىزدەردى كوكتەمنىڭ ەڭ شۋاقتى مەرەكەسى - 8- ناۋرىزبەن شىن جۇرەكتەن قۇتتىقتايمىن! سىزدەردىڭ ۇلكەنىڭىزدەن باستاپ كىشىڭىزگە دەيىن - ءاربىرىڭىزدىڭ ءوز ميسسيالارىڭىز بار، تابيعات ايەلدەرگە سۇيكىمدىلىك، قايسارلىق، نازىكتىك، شەكسىز ادالدىق، تاڭقالارلىق شىدامدىلىق سىندى قاسيەتتەردى بەكەر دارىتقان جوق. ومىرگە اكەلەتىن، وتباسى وشاعىن ساقتايتىن، بولاشاق باتىرلار، رومانتيكتەر، جاقسى ادامداردى تاربيەلەيتىن - وزدەرىڭىز. بالالارىمىزدىڭ قانداي بولىپ وسەتىنى، قازاقستاننىڭ قانداي بولاتىنى، ەرتەڭگى الەمنىڭ بولاشاعى كوبىنە سىزدەرگە بايلانىستى. مەيىرىمدىلىك، ىزگىلىك، دانالىق نۇرىن شاشىپ، كاسىبي جانە قوعامدىق ومىردە تابىستارعا جەتە بەرىڭىزدەر!» - دەپ ءبىلدىردى ول جىلى لەبىزىن «قازاقپارات» ح ا ا تىلشىسىنە بەرگەن سۇحباتىندا.
ساۋلە مۇحامەتراحىم قىزى نۇرعاليەۆا قازاقستاننىڭ كەدەن ورگاندارىندا 1984-جىلدان بەرى قىزمەت ەتۋدە. ول ق ر- دىڭ دۇنيەجۇزىلىك كەدەن ۇيىمىندا مۇددەسىن قورعاپ، بەلگيا كورولدىگىندە ق ر ەلشىلىگىنىڭ كەڭەسشىسى بولىپ قىزمەت اتقارعان.
قىزمەتتىك مىندەتتەرىن ۇلگىلى ورىنداعانى ءۇشىن «ەرەن ەڭبەگى ءۇشىن» (2015-جىل) مەدالىمەن، ۆەدومستۆولىق توسبەلگىلەرمەن، «كەدەن ورگاندارىنداعى ءمىنسىز جۇمىسى ءۇشىن» مەدالىمەن ماراپاتتالعان، ق ر ۇكىمەتىنىڭ قۇرمەت گراموتاسىنا (1996-جىل)، ق ر سىرتقى ىستەر ءمينيسترىنىڭ اتىنان كوپتەگەن قۇرمەت گراموتالارىنا، ت. ب. ماراپاتتارعا يە بولعان.
